அரசு பேருந்து, பைக் மற்றும் சரக்கு வாகனம் மீது மோதி   4 பேர் சம்பவ இடத்திலேயே பலி!  

சேலம் மாவட்டம் கொண்டலாம்பட்டி அருகே உள்ள அரியானூர் பகுதியில் இன்று (மார்ச் 20, 2026) மதியம் நிகழ்ந்த பயங்கர சாலை விபத்தில் 4 பேர் பரிதாபமாக உயிரிழந்தனர். சேலத்தில் இருந்து கோவை நோக்கிச் சென்று கொண்டிருந்த அரசுப் பேருந்து, அரியானூர் மேம்பாலப் பகுதி அருகே வந்தபோது திடீரென ஓட்டுநரின் கட்டுப்பாட்டை இழந்தது. மின்னல் வேகத்தில் தறிகெட்டு ஓடிய அந்தப் பேருந்து, முன்னால் சென்று கொண்டிருந்த ஒரு இருசக்கர வாகனம் மற்றும் ஒரு சரக்கு வாகனம்  மீது அடுத்தடுத்து பயங்கரமாக மோதியது.

இந்தக் கோர விபத்தில், இருசக்கர வாகனத்தில் சென்றவர்கள் மற்றும் சரக்கு வாகனத்தில் இருந்தவர்கள் என மொத்தம் 4 பேர் உடல் நசுங்கி சம்பவ இடத்திலேயே ரத்த வெள்ளத்தில் உயிரிழந்தனர். விபத்து நடந்த சத்தம் கேட்டு ஓடிவந்த அக்கம் பக்கத்தினர், பலத்த காயமடைந்த மற்றவர்களை மீட்டுச் சேலம் அரசு மோகன் குமாரமங்கலம் மருத்துவமனைக்கு அனுப்பி வைத்தனர். அரசுப் பேருந்து மோதிய வேகத்தில் இருசக்கர வாகனம் உருக்குலைந்து காணப்பட்டது.

தகவல் அறிந்து சம்பவ இடத்திற்கு விரைந்து வந்த கொண்டலாம்பட்டி போலீசார், உயிரிழந்தவர்களின் உடல்களைக் கைப்பற்றிப் பிரேதப் பரிசோதனைக்கு அனுப்பி வைத்தனர். இந்த விபத்தால் சேலம் - கோவை தேசிய நெடுஞ்சாலையில் சுமார் ஒரு மணி நேரத்திற்கும் மேலாகப் போக்குவரத்து பாதிக்கப்பட்டது. "பேருந்தின் பிரேக் பழுதானதா அல்லது ஓட்டுநரின் கவனக்குறைவா?" என்பது குறித்து போலீசார் தீவிர விசாரணை நடத்தி வருகின்றனர். விபத்து நடந்த பகுதியில் அதிக அளவிலான பொதுமக்கள் கூடியதால் அங்கு பெரும் பதற்றம் நிலவி வருகிறது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!