தேசிய வாத காங்கிரஸ் கட்சியின் தலைவரும், மகாராஷ்டிராவின் செல்வாக்குமிக்க தலைவருமான அஜித் பவார் (66), இன்று ஜனவரி 28ம் தேதி காலை நேரிட்ட கோரமான விமான விபத்தில் காலமானார். மும்பையில் இருந்து தனது சொந்தத் தொகுதியான பாராமதிக்குத் தேர்தல் பிரசாரத்திற்காகச் சென்ற போது இந்த விபத்து நிகழ்ந்துள்ளது. அவர் பயணித்தது 'Bombardier Learjet 45' ரகத்தைச் சேர்ந்த தனியார் சிறிய ரக விமானம்.

காலை 8:10 மணிக்கு மும்பையிலிருந்து புறப்பட்ட விமானம், சுமார் 8:45 மணியளவில் பாராமதி வான்பரப்பில் ரேடார் தொடர்பிலிருந்து துண்டிக்கப்பட்டது. முதற்கட்டத் தகவல்களின்படி, பாராமதி விமான நிலையத்தில் தரையிறங்க முயன்றபோது நிலவிய அடர் மூடுபனி மற்றும் மோசமான வானிலை காரணமாக விமானம் நிலைதடுமாறி விபத்துக்குள்ளானது.

இந்த விபத்தில் அஜித் பவாருடன் சேர்த்து, அவரது தனிப்பாதுகாப்பு அதிகாரி விடிப் ஜாதவ், உதவியாளர் பிங்கி மாலி மற்றும் இரண்டு விமானிகள் என மொத்தம் 5 பேர் உயிரிழந்தனர். அஜித் பவாரின் மறைவைத் தொடர்ந்து மகாராஷ்டிர அரசு பல்வேறு முக்கிய அறிவிப்புகளை வெளியிட்டுள்ளது: இன்று ஜனவரி 28ம் தேதி மாநிலம் முழுவதும் பொது விடுமுறை அறிவிக்கப்பட்டுள்ளது.

துக்க அனுசரிப்பு: மாநிலத்தில் மூன்று நாட்களுக்கு அரசு முறை துக்கம் அனுசரிக்கப்படும். இந்த நாட்களில் தேசியக் கொடி அரைக்கம்பத்தில் பறக்கவிடப்படும்.

இறுதிச் சடங்கு: நாளை ஜனவரி 29ம் தேதி வியாழக்கிழமை காலை 11 மணியளவில், பாராமதியில் உள்ள வித்யா பிரதிஷ்டான் மைதானத்தில் முழு அரசு மரியாதையுடன் இறுதிச் சடங்குகள் நடைபெறவுள்ளன. இறுதிச் சடங்கில் பங்கேற்க பிரதமர் நரேந்திர மோடி மற்றும் மத்திய உள்துறை அமைச்சர் அமித் ஷா ஆகியோர் நாளை பாராமதிக்கு வருவார்கள் என்று எதிர்பார்க்கப்படுகிறது. அவரது மறைவுக்குக் கட்சிப் பாகுபாடின்றி பல்வேறு தலைவர்கள் இரங்கல் தெரிவித்து வருகின்றனர்.

"அஜித் பவார் அவர்கள் அடித்தட்டு மக்களுடன் நெருங்கிய தொடர்பு கொண்ட ஒரு மக்கள் தலைவர். நிர்வாகத் திறமை மிக்க அவரது திடீர் மறைவு மகாராஷ்டிராவிற்கு ஈடுசெய்ய முடியாத இழப்பு." - பிரதமர் நரேந்திர மோடி எக்ஸ் தளம் வாயிலாக அவரது சித்தப்பாவும் மூத்த தலைவருமான சரத் பவார், இது ஒரு எதிர்பாராத விபத்து என்றும், இதில் எவ்வித சதியோ அரசியலோ இல்லை என்றும் உருக்கத்துடன் தெரிவித்துள்ளார். மம்தா பானர்ஜி, ராகுல் காந்தி மற்றும் மகாராஷ்டிர முதல்வர் தேவேந்திர பட்னாவிஸ் உள்ளிட்டோரும் தங்களது ஆழ்ந்த இரங்கலைப் பகிர்ந்துள்ளனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!