திருநெல்வேலி அருகே மது அருந்தும்போது ஏற்பட்ட தகராறில், உறவினர்கள் ஒருவரை ஒருவர் அரிவாளால் வெட்டிக்கொண்ட சம்பவம் பெரும் பரபரப்பை ஏற்படுத்தியுள்ளது. நெல்லை தச்சநல்லூர் கரையிருப்பு பகுதியைச் சேர்ந்த தங்ககணபதி (48) என்பவர், ஏற்கனவே ஒரு வழக்கில் ஆயுள் தண்டனை பெற்று, சில மாதங்களுக்கு முன்புதான் சிறையிலிருந்து விடுதலையாகி வந்துள்ளார். தற்போது காவலாளியாகப் பணியாற்றி வரும் இவர், நேற்று முன்தினம் இரவு தனது உறவினரான மூக்கன் (50) என்பவருடன் அமர்ந்து மது அருந்தியுள்ளார்.

மது அருந்திக் கொண்டிருந்தபோது இருவருக்கும் இடையே திடீரென வாக்குவாதம் ஏற்பட்டுள்ளது. ஆத்திரமடைந்த மூக்கன், அங்கிருந்து நேராகத் தனது வீட்டிற்குச் சென்று அரிவாளை எடுத்து வந்து தங்ககணபதியைச் சரமாரியாக வெட்டியுள்ளார். இதில் பலத்த காயமடைந்த தங்ககணபதி ரத்த வெள்ளத்தில் சரிந்தார். இந்தத் தகவல் அவரது தம்பி முத்துகுமரனுக்குத் தெரியவரவே, அவர் ஆத்திரத்தின் உச்சத்துக்கே சென்றார்.

தனது அண்ணனை வெட்டிய மூக்கனைப் பழிவாங்கத் துடித்த முத்துகுமரன், கையில் அரிவாளுடன் மூக்கனின் வீட்டிற்கே புகுந்தார். அங்கே இருவருக்கும் இடையே மீண்டும் மோதல் வெடிக்க, முத்துகுமரன் தான் வைத்திருந்த அரிவாளால் மூக்கனைத் தாக்கினார். இந்த அடுத்தடுத்த தாக்குதல்களில் தங்ககணபதி மற்றும் மூக்கன் ஆகிய இருவருமே படுகாயமடைந்தனர். அக்கம்பக்கத்தினர் அவர்களை மீட்டுப் பாளையங்கோட்டை அரசு மருத்துவமனையில் சேர்த்தனர். அங்கு அவர்களுக்குத் தீவிர சிகிச்சை அளிக்கப்பட்டு வருகிறது.

இந்தக் கோரச் சம்பவம் குறித்துத் தகவல் அறிந்த தச்சநல்லூர் போலீசார், உடனடியாக வழக்குப் பதிவு செய்து விசாரணையைத் தொடங்கினர். இதில், மூக்கனை அரிவாளால் வெட்டிய முத்துகுமரனைப் போலீசார் கைது செய்தனர். மதுப்பழக்கம் எப்படி உறவினர்களுக்குள்ளேயே ரத்தக் களறியை உண்டாக்கும் என்பதற்கு இந்தச் சம்பவம் ஒரு கசப்பான உதாரணமாக மாறியுள்ளது. இச்சம்பவம் குறித்துப் போலீசார் தொடர்ந்து விசாரணை நடத்தி வருகின்றனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!