கொங்கு மண்டல விளையாட்டு வீரர்களின் நீண்ட கால கனவை நனவாக்கும் வகையில், கோவை ஆர்.எஸ்.புரத்தில் சர்வதேச தரத்திலான ஹாக்கி மைதானம் நாளை மக்கள் பயன்பாட்டிற்கு வருகிறது. கோவை மாநகராட்சி சார்பில் சுமார் ரூ.9.67 கோடி மதிப்பீட்டில் இந்த மைதானம் பிரம்மாண்டமாக உருவாக்கப்பட்டுள்ளது. 6,500 சதுர மீட்டர் பரப்பளவில் சர்வதேச தரத்திலான செயற்கை புல்வெளி (AstroTurf) வசதியுடன் இந்த மைதானம் அமைக்கப்பட்டுள்ளது. பகல் நேரங்கள் மட்டுமின்றி இரவிலும் போட்டிகளைத் தடையின்றி நடத்தும் வகையில் 6 உயர்மின் கோபுர விளக்குகள் (High-mast lights) நிறுவப்பட்டுள்ளன. ஒவ்வொரு கோபுரத்திலும் 500 வாட்ஸ் திறன் கொண்ட 20 எல்.இ.டி. விளக்குகள் பொருத்தப்பட்டுள்ளன.

மைதானத்தைச் சுற்றி பாதுகாப்பு கம்பிவேலிகள், வீரர்-வீராங்கனைகளுக்கான நவீன உடை மாற்றும் அறைகள், ஓய்வறைகள் மற்றும் தடையற்ற குடிநீர் வசதிக்காகப் பிரத்யேக நீர்த்தேக்கத் தொட்டிகள் அமைக்கப்பட்டுள்ளன. நாளை நடைபெறும் திறப்பு விழாவில் துணை முதல்வர் உதயநிதி ஸ்டாலின் மைதானத்தை முறைப்படி திறந்து வைக்கிறார். மைதானத்தைத் திறந்து வைத்த பிறகு, துணை முதல்வர் சிறிது நேரம் ஹாக்கி விளையாடி வீரர்களை உற்சாகப்படுத்த உள்ளார்.

இதனைத் தொடர்ந்து நடைபெறும் அரசு விழாவில், பல்வேறு துறைகளின் கீழ் சுமார் 10,000 பயனாளிகளுக்கு நலத்திட்ட உதவிகளை வழங்கி அவர் உரையாற்றுகிறார். இந்த புதிய மைதானம் கோவையில் ஹாக்கி விளையாட்டை அடுத்த கட்டத்திற்கு எடுத்துச் செல்லும் என்றும், மாநில மற்றும் தேசிய அளவிலான போட்டிகளை இங்கு நடத்த வழிவகை செய்யும் என்றும் விளையாட்டு ஆர்வலர்கள் மகிழ்ச்சி தெரிவித்துள்ளனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!