உள்ளாட்சித் தேர்தலில் மின்னணு இயந்திரங்களுக்கு விடை? இனி வாக்குச்சீட்டு முறை... !
கர்நாடக மாநிலத்தில் நடைபெறவுள்ள உள்ளாட்சித் தேர்தல்களில் மின்னணு வாக்குப்பதிவு இயந்திரங்களுக்குப் பதிலாக மீண்டும் பழைய முறையிலான வாக்குச்சீட்டு முறையையே பயன்படுத்த அம்மாநில அரசு அதிரடி முடிவெடுத்துள்ளது. இதற்கான சட்டத் திருத்த மசோதாவை அம்மாநிலத்தின் பஞ்சாயத்து ராஜ் மற்றும் தகவல் தொழில்நுட்பத் துறை அமைச்சர் பிரியாங்க் கார்கே இன்று சட்டப்பேரவையில் தாக்கல் செய்து விரிவான விளக்கம் அளித்தார். முதல்வர் சித்தராமையா தலைமையிலான காங்கிரஸ் அமைச்சரவை ஏற்கனவே இதற்கு ஒப்புதல் அளித்திருந்த நிலையில், இந்த அறிவிப்பு அரசியல் வட்டாரத்தில் ஒரு மிகப்பெரிய புயலைக் கிளப்பியுள்ளது. ஜனநாயகத்தைக் காக்கவே இந்த மாற்றத்தைக் கொண்டு வருவதாக அரசுத் தரப்பில் வாதிடப்பட்டது.
அரசின் இந்த அதிரடி நடவடிக்கைக்குக் கடும் எதிர்ப்புத் தெரிவித்த எதிர்க்கட்சித் தலைவர் ஆர். அசோக் மற்றும் பாரதிய ஜனதா கட்சி உறுப்பினர்கள் அவையில் கடும் அமளியில் ஈடுபட்டனர். வாக்குச்சீட்டு முறை என்பது பின்னோக்கிச் செல்லும் செயல் என்றும், இது தேர்தல்களில் முறைகேடுகளுக்கு வழிவகுக்கும் என்றும் அவர்கள் முழக்கமிட்டனர். ஒரு கட்டத்தில் ஆவேசமடைந்த எதிர்க்கட்சித் தலைவர், அமைச்சர் தாக்கல் செய்த சட்ட மசோதாவின் நகலைப் பறித்து அவை நடுவிலேயே கிழித்து எறிந்து தனது கடும் எதிர்ப்பைப் பதிவு செய்தார். இதனைத் தொடர்ந்து பாரதிய ஜனதா கட்சியினர் அனைவரும் அவையிலிருந்து வெளிநடப்பு செய்ததால் அங்கு பெரும் பதற்றம் நிலவியது.
எதிர்க்கட்சிகளின் கடும் எதிர்ப்பையும் மீறி, சபாநாயகர் இந்த மசோதாவை வாக்கெடுப்பிற்கு விட்டார். அவையில் இருந்த ஆளுங்கட்சி உறுப்பினர்களின் பேராதரவுடன், குரல் வாக்கெடுப்பு மூலம் உள்ளாட்சித் தேர்தலில் வாக்குச்சீட்டு முறையைப் பயன்படுத்துவதற்கான சட்ட மசோதா வெற்றிகரமாக நிறைவேறியதாக அதிகாரப்பூர்வமாக அறிவிக்கப்பட்டது. இதன் மூலம் கர்நாடகாவின் அடுத்த உள்ளாட்சித் தேர்தல் முற்றிலும் புதிய பரிமாணத்தில் அமையப்போவது உறுதியாகியுள்ளது. இந்தச் சட்டத் திருத்தம் தேசிய அளவில் ஒரு மிகப்பெரிய விவாதத்தை உருவாக்கியுள்ள நிலையில், மற்ற மாநிலங்களும் இதனைப் பின்பற்றுமா என்ற கேள்வி இப்போது அரசியல் அரங்கில் எழுந்துள்ளது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!