தூத்துக்குடி மாவட்டம் விளாத்திகுளம் அருகே உள்ள சங்கரலிங்கபுரம் பகுதியில் வேனும், பைக்கும் நேருக்கு நேர் மோதி கோர விபத்திற்குள்ளானது. 

தூத்துக்குடி விளாத்திகுளம் - எட்டயபுரம் சாலையில் நேற்று மதியம் ஒரு சுற்றுலா வேன் வந்து கொண்டிருந்தது. அப்போது எதிரே ஒரே இருசக்கர வாகனத்தில் 5 பேர் வந்துள்ளனர். எதிர்பாராத விதமாகச் சுற்றுலா வேனும், இருசக்கர வாகனமும் நேருக்கு நேர் மோதிக்கொண்டன. மோதிய வேகத்தில் இருசக்கர வாகனம் சுக்குநூறாக நொறுங்கியது. இந்த விபத்தில் இருசக்கர வாகனத்தில் பயணித்த 5 பேரும் தூக்கி வீசப்பட்டு, சம்பவ இடத்திலேயே பரிதாபமாக உயிரிழந்தனர்: உயிரிழந்தவர்களில் இரண்டு சிறு குழந்தைகள், இரண்டு பெண்கள் மற்றும் ஒரு ஆண் அடங்குவர். இவர்கள் அனைவரும் ஒரே குடும்பத்தைச் சேர்ந்தவர்கள் என்றும், உள்ளூர் பகுதியைச் சேர்ந்தவர்கள் என்றும் முதற்கட்ட தகவல்கள் தெரிவிக்கின்றன.

இந்த விபத்து குறித்துத் தகவல் அறிந்ததும் விளாத்திகுளம் போலீசார் சம்பவ இடத்திற்கு விரைந்து வந்தனர். உயிரிழந்தவர்களின் உடல்களைக் கைப்பற்றிப் பிரேதப் பரிசோதனைக்காகத் தூத்துக்குடி அரசு மருத்துவமனைக்கு அனுப்பி வைத்தனர். விபத்தை ஏற்படுத்திய சுற்றுலா வேன் ஓட்டுநரைப் போலீசார் பிடித்துத் தீவிர விசாரணை நடத்தி வருகின்றனர். வேன் ஓட்டுநரின் கவனக்குறைவா அல்லது அதிவேகமா என்ற கோணத்தில் விசாரணை நடைபெறுகிறது.

ஒரே குடும்பத்தைச் சேர்ந்த 5 பேர், அதிலும் குறிப்பாக இரண்டு குழந்தைகள் விபத்தில் சிக்கி உயிரிழந்தது அந்தப் பகுதியில் பெரும் சோகத்தை ஏற்படுத்தியுள்ளது. விபத்து நடந்த இடத்தில் பொதுமக்கள் திரண்டதால் சிறிது நேரம் போக்குவரத்துப் பாதிப்பு ஏற்பட்டது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!