தமிழ்நாடு முதலமைச்சர் மு.க.ஸ்டாலின் அவர்கள், இன்று (சனிக்கிழமை) சென்னை கோட்டூர்புரம் அண்ணா நூற்றாண்டு நூலகத்தில் நடைபெற்ற விழாவில், ரூ.265.50 கோடி மதிப்பிலான நலத்திட்ட உதவிகளை 9,371 பயனாளிகளுக்கு வழங்கி, ரூ.74.20 கோடி செலவில் கட்டப்பட்ட புதிய கட்டிடங்களையும் திறந்து வைத்தார்.

இந்த விழாவில், சமூக நல்லிணக்கத்துடன் வாழும் கிராம ஊராட்சிகளுக்கு விருதுகள் வழங்குவது, ஏழைக் குடும்பங்களின் வாழ்வாதாரத்தை மீட்கும் 'முதல்-அமைச்சரின் தாயுமானவர் திட்டம்', கல்வி உதவித்தொகை மற்றும் சுயதொழில் கடனுதவிகள் உட்படப் பல்வேறு திட்டங்களின் பயன்கள் வழங்கப்பட்டன.

ஆதிதிராவிடர் மற்றும் பழங்குடியினர் நலத்துறை சார்பில் மொத்தம் ரூ.74.20 கோடி செலவில் கட்டப்பட்டுள்ள கட்டிடங்களை முதலமைச்சர் திறந்து வைத்தார். இதில் முக்கியமானவை: திருச்சிராப்பள்ளி மற்றும் கோயம்புத்தூரில் உள்ள கல்லூரி மாணவியர்களுக்கான விடுதிக் கட்டிடங்கள் (ரூ.25.13 கோடி).

21 பள்ளிகளுக்கான கூடுதல் வகுப்பறைகள் மற்றும் இதர கூடுதல் கட்டிடங்கள் (ரூ.25.63 கோடி), பல்வேறு மாவட்டங்களில் அமைக்கப்பட்டுள்ள 25 கிராம அறிவுசார் மையங்கள் (ரூ.23.44 கோடி). முக்கிய நலத்திட்ட உதவிகள் மற்றும் விருதுகள் (ரூ. 265.50 கோடி)

முதல்-அமைச்சரின் தாயுமானவர் திட்டம்: தீவிர வறுமையில் வாடும் குடும்பங்களை மேம்படுத்தும் இத்திட்டத்தின் கீழ், முதற்கட்டமாக 1,00,000 பயனாளிகளுக்கு நலிவு நிலை குறைப்பு நிதியாக ரூ.75 கோடி வழங்கப்படுகிறது. இதில், 505 பயனாளிகளுக்குத் திட்டப் பயன்கள் வழங்கப்பட்டன.

சமூக நல்லிணக்க கிராம ஊராட்சி விருது: சாதி வேறுபாடின்றிச் சமூக நல்லிணக்கத்துடன் வாழும் 10 கிராம ஊராட்சிகள் தேர்ந்தெடுக்கப்பட்டு, சமூக நல்லிணக்க விருதுகளையும், அவற்றின் வளர்ச்சிப் பணிக்காகத் தலா ரூ.1 கோடி வீதம் ரூ.10 கோடி நிதியையும் முதலமைச்சர் வழங்கினார். (தென்காசி மாவட்டம் கலிங்கப்பட்டி உட்பட). கோட்டூர்புரத்தில் ரூ.6 கோடி மதிப்பிலான குடியிருப்புகளுக்கான ஆணைகள் 121 பயனாளிகளுக்கு வழங்கப்பட்டன.

ஆதிதிராவிடர் மற்றும் பழங்குடியின தொழில்முனைவோர்: அண்ணல் அம்பேத்கர் தொழில் முன்னோடிகள் திட்டத்தின் கீழ் 28 பயனாளிகளுக்கு ரூ.2 கோடி மூலதன மானியமும், இதர திட்டங்களின் கீழ் 5,516 பயனாளிகளுக்கு ரூ.60 கோடி தொழில்களுக்கான மானியமும் வழங்கப்பட்டது.

சமூக பொருளாதார மேம்பாடு: உறுதுணை சிறு கடன் திட்டத்தின் கீழ் பெண்கள் மற்றும் திருநங்கைகள் உட்படப் பலருக்கு ரூ.5.84 கோடி மானியத்துடன் கூடிய கடனுதவிகள் வழங்கப்பட்டன.

இவ்விழா நடைபெற்ற இதே நாளில், மாநிலம் முழுவதும் உள்ள அனைத்து மாவட்டங்களிலும் அமைச்சர்கள், நாடாளுமன்ற மற்றும் சட்டமன்ற உறுப்பினர்கள் தலைமையில் சிறப்பு நிகழ்ச்சிகள் நடத்தப்பட்டு, மற்ற பயனாளிகளுக்கும் நலத்திட்ட உதவிகள் வழங்கப்படுகின்றன.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!