டிட்வா புயலால் தாக்கம்  தமிழகம் முழுவதும் 4 பேர் உயிரிழப்பு !  

வங்கக்கடலில் உருவான டிட்வா புயல் கரையை கடந்ததைத் தொடர்ந்து தமிழ்நாட்டில் பெய்த தொடர்ச்சியான கனமழை பல இடங்களில் பெரும் சேதத்தை ஏற்படுத்தியுள்ளது. இதுவரை 4 பேர் உயிரிழந்துள்ளதாக பேரிடர் மேலாண்மைத்துறை அமைச்சர் கே.கே.எஸ்.எஸ்.ஆர். ராமச்சந்திரன் தெரிவித்தார். இவர்களில் 2 பேர் சுவர் இடிந்து விழுந்ததும், 2 பேர் மின்சாரம் தாக்கியதும் உயிரிழப்புக்கான காரணமாகும். இதற்கிடையில் 582 கால்நடைகள் இறந்துள்ளன; குடிசை மற்றும் ஓட்டு வீடுகள் உட்பட 1,601 வீடுகள் பகுதியளவு அல்லது முழுமையாக சேதமடைந்துள்ளன.

புயல் பாதிப்புகள் அதிகமான பகுதிகளில் மீட்பு பணிகள் தீவிரமாக நடைபெற்று வருகின்றன. சென்னையில் தேசிய பேரிடர் மீட்புப்படை (NDRF) 11 குழுக்கள், மாநில பேரிடர் படை (SDRF) 3 குழுக்கள் தயார் நிலையில் உள்ளன. மின்தடை, மரங்கள் சாய்வு, சாலை மறியல் உள்ளிட்ட பிரச்சினைகளை சரி செய்ய பல துறைகள் சேர்ந்த குழுக்கள் 24 மணி நேரமும் பணியாற்றுகின்றன. இதேவேளை, மழையால் பாதிக்கப்பட்ட 85,522 ஹெக்டேர் விவசாய நிலங்களில் நெல், கரும்பு, வாழை உள்ளிட்ட பயிர்கள் பெரிதும் சேதமடைந்துள்ளன. பாதிக்கப்பட்ட விவசாயிகளுக்கு ஒரு ஹெக்டேருக்கு ரூ.20,000 நிவாரணம் வழங்கப்படும் என்று முதலமைச்சர் ஸ்டாலின் உத்தரவிட்டதாக அமைச்சர் அறிவித்தார்.

மழை பாதிப்பால் மக்கள் அவதிப்படுகின்ற நிலையிலும், பல மாவட்டங்களில் நிவாரண முகாம்கள் திறக்கப்பட்டு உணவு, குடிநீர், மருத்துவ உதவிகள் வழங்கப்பட்டு வருகின்றன. கடலுக்கு செல்லக் கூடாது என்ற தடை மீனவர்களுக்கு தொடர்ந்து நீடிக்கிறது. மேலும் மழை முழுமையாக விலகும் வரை பொதுமக்கள் எச்சரிக்கையுடன் இருக்க வேண்டும் எனவும் அரசு வேண்டுகோள் விடுத்துள்ளது. பாதிப்பு விவரங்கள் தொடர்ந்து கணக்கிடப்பட்டு வருவதால் இழப்பு கணக்குகள் மேலும் உயர வாய்ப்பு இருப்பதாக அதிகாரிகள் தெரிவித்துள்ளனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!