டெல்லி செங்கோட்டை அருகே கடந்த மாதம் அரங்கேறிய பயங்கரமான கார் வெடிப்புச் சம்பவம் தொடர்பாக, ஜம்மு காஷ்மீரைச் சேர்ந்த மேலும் ஒருவரை தேசிய புலனாய்வு முகமை (NIA) அதிகாரிகள் அதிரடியாகக் கைது செய்துள்ளனர். கடந்த நவம்பர் 10-ம் தேதி நடந்த இந்தத் தாக்குதலில் 15 பேர் உயிரிழந்தனர் மற்றும் 30 பேர் படுகாயமடைந்தனர். இது ஒரு திட்டமிட்ட தற்கொலைப்படைத் தாக்குதல் என்பது விசாரணையில் உறுதி செய்யப்பட்ட நிலையில், இந்தச் சதிச் செயலில் தொடர்புடைய நபர்களைப் பிடிக்க என்.ஐ.ஏ அதிகாரிகள் நாடு முழுவதும் தீவிர வேட்டையில் ஈடுபட்டு வருகின்றனர்.

தற்போது கைது செய்யப்பட்டுள்ள நபர் ஜம்மு காஷ்மீர் மாநிலம் சோபியன் பகுதியைச் சேர்ந்த யாசிர் அகமது தார் என அடையாளம் காணப்பட்டுள்ளார். இந்தச் சம்பவத்தில் காரை வெடிக்கச் செய்து உயிரிழந்த தற்கொலைப்படை பயங்கரவாதி டாக்டர் உமர் முகமதுவுடன் யாசிர் அகமது மிகவும் நெருங்கிய தொடர்பில் இருந்தது கண்டுபிடிக்கப்பட்டுள்ளது. தாக்குதலுக்கான திட்டமிடல் மற்றும் அதற்குத் தேவையான உதவிகளைச் செய்ததில் இவருக்கு முக்கியப் பங்கு இருக்கலாம் என்ற சந்தேகத்தின் அடிப்படையில், சட்டவிரோத நடவடிக்கைகள் தடுப்புச் சட்டம் (UAPA) மற்றும் பாரதிய நியாய சன்கிதா பிரிவுகளின் கீழ் அவர் கைது செய்யப்பட்டுள்ளார்.

யாசிர் அகமது தாரை நீதிமன்றத்தில் ஆஜர்படுத்திய அதிகாரிகள், இந்தச் சதியின் பின்னணியில் உள்ள மற்ற நபர்களைக் கண்டறிய அவரை வரும் டிசம்பர் 26-ம் தேதி வரை போலீஸ் காவலில் எடுத்து விசாரிக்க அனுமதி பெற்றுள்ளனர். இந்த வழக்கில் இதுவரை கைது செய்யப்பட்டவர்களின் எண்ணிக்கை ஒன்பதாக உயர்ந்துள்ளது. ஏற்கனவே கைது செய்யப்பட்டவர்களிடம் நடத்தப்பட்ட விசாரணையின் அடிப்படையில், ஜம்மு காஷ்மீர் மற்றும் டெல்லியின் சில பகுதிகளில் இன்னும் சில கூட்டாளிகள் தலைமறைவாக இருக்கலாம் எனக் கருதப்படுகிறது. அவர்களைப் பிடிக்கப் பாதுகாப்புப் படையினர் தொடர்ந்து தேடுதல் வேட்டையை முடுக்கிவிட்டுள்ளனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!