தமிழக அரசியலில் வரவிருக்கும் 2026 சட்டமன்றத் தேர்தலை முன்னிட்டு கூட்டணிக் கணக்குகளும், வியூகங்களும் இப்போதே சூடுபிடிக்கத் தொடங்கியுள்ளன. குறிப்பாக, சிறுபான்மையினர் மற்றும் இளைஞர்களின் வாக்குகள் தவெக நோக்கி நகர்வது குறித்த தகவல்கள், திமுகவின் தேர்தல் வியூகங்களில் மாற்றத்தை ஏற்படுத்தத் தூண்டியுள்ளன.

கடந்த காலங்களில் திமுகவின் பலமான வாக்கு வங்கியாகக் கருதப்பட்ட சிறுபான்மையினர் வாக்குகள், தற்போதைய அரசியல் மாற்றங்களால் பரவலாக்கப்படுவதாகப் புள்ளிவிவரங்கள் தெரிவிக்கின்றன. குறிப்பாக, சிறுபான்மையினரின் ஆதரவு, இளைஞர்களின் வாக்கு, சினிமா கவர்ச்சி, கல்லூரி மாணவிகள் மத்தியிலும் தவெகவுக்கு அதிகளவில் ஆதரவு இருப்பதாக தெரிய வந்துள்ளது, தவெக இந்த தேர்தலில் ஒரு தாக்கத்தை ஏற்படுத்தும் என்று எதிர்பார்க்கப்படுகிறது. 

அதேபோல், முதல்முறை வாக்காளர்கள் மற்றும் இளைஞர்கள் மத்தியில் வேலைவாய்ப்பு, கல்வி உதவித்தொகை மற்றும் நிர்வாகத் திறன் குறித்த எதிர்பார்ப்புகள் அதிகரித்துள்ளன. இவர்களின் ஆதரவைத் தக்கவைத்துக் கொள்ள புதிய அணுகுமுறை அவசியம் என்பதை திமுக தலைமை உணர்ந்துள்ளதாகத் தெரிகிறது.

சிறுபான்மையினர் மற்றும் இளைஞர்களின் ஆதரவு கைநழுவினால் அது தேர்தல் வெற்றியைப் பாதிக்கக்கூடும் என்பதால், திமுக புதிய உத்திகளைக் கையில் எடுத்துள்ளது. தொகுதி வாரியாகச் சிறுபான்மையினர் அதிகம் வசிக்கும் பகுதிகளில் உள்ள குறைகளைத் தேடிப்பிடித்துத் தீர்க்க மாவட்டச் செயலாளர்களுக்கு அறிவுறுத்தப்பட்டுள்ளது.

அதே போன்று உதயநிதி ஸ்டாலின் தலைமையிலான இளைஞர் அணி மூலம் அதிகப்படியான இளைஞர்களைக் கட்சியில் இணைக்கவும், அரசு செய்துள்ள சாதனைகளைத் தொழில்நுட்ப ரீதியாக அவர்களிடம் கொண்டு சேர்க்கவும் திட்டமிடப்பட்டுள்ளது. 'நான் முதல்வன்' திட்டம் மற்றும் இளைஞர்களுக்கான திறன் மேம்பாட்டுப் பயிற்சிகளை முன்னிறுத்தி, வேலைவாய்ப்புகளை உருவாக்கி வருவதாக அரசு தரப்பில் பிரச்சாரங்கள் தீவிரப்படுத்தப்பட்டுள்ளன.

சிறுபான்மையினர் வாக்குகளைத் தக்கவைக்க, அந்தச் சமூகத்தைச் சார்ந்த கூட்டணிக் கட்சிகளுடன் திமுக நெருக்கமான உறவைப் பேணி வருகிறது. அதே நேரத்தில், அதிமுக மற்றும் தெலுங்கு தேசம் போன்ற கட்சிகள் எவ்விதமான மறைமுக வியூகங்களை வகுக்கின்றன என்பதையும் திமுகவின் ஐடி விங் உன்னிப்பாகக் கவனித்து வருகிறது.

தேர்தலுக்கு இன்னும் காலம் இருந்தாலும், வாக்கு வங்கியில் ஏற்படும் சிறிய சலனங்களையும் அலட்சியப்படுத்தக் கூடாது என்பதில் ஆளுங்கட்சி உறுதியாக உள்ளது. இதற்காகவே, கட்சியின் மூத்த நிர்வாகிகள் மூலம் வார்டு வாரியாகச் சிறுபான்மையினர் பிரதிநிதிகளைச் சந்தித்து ஆலோசனைகள் மேற்கொள்ளப்பட்டு வருகின்றன. தமிழகத்தின் அரசியல் களம் நாளுக்கு நாள் மாறி வரும் சூழலில், இந்த புதிய உத்திகள் எந்தளவுக்குப் பலன் தரும் என்பது வரும் மாதங்களில் தெரியவரும்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!