திமுக தலைவர் மு.க. ஸ்டாலின் தலைமையில், கூட்டணிக் கட்சிகளுடன் தொகுதிப் பங்கீடு மற்றும் தேர்தல் வியூகங்கள் குறித்த முதற்கட்டப் பேச்சுவார்த்தைகள் இன்று பிப்ரவரி 22ம் தேதி அண்ணா அறிவாலயத்தில் தொடங்குகின்றன.

தொகுதிப் பங்கீட்டை முறைப்படுத்த திமுக சார்பில் அக்கட்சியின் பொருளாளர் டி.ஆர். பாலு தலைமையில் 7 பேர் கொண்ட உயர்மட்டக் குழு அமைக்கப்பட்டுள்ளது. இதில் அமைச்சர்கள் கே.என். நேரு, எ.வ. வேலு, எம்.ஆர்.கே. பன்னீர்செல்வம் மற்றும் முக்கிய நிர்வாகிகள் இடம்பெற்றுள்ளனர்.

இன்று முதற்கட்டமாகச் சிறிய கூட்டணிக் கட்சிகளுடன் பேச்சுவார்த்தை நடத்தப்பட உள்ளது. வரும் நாட்களில் காங்கிரஸ், விசிக, இடதுசாரி கட்சிகள் உள்ளிட்ட பெரிய கூட்டணிக் கட்சிகளுடன் விரிவான பேச்சுவார்த்தைகள் நடைபெறும்.

முதலமைச்சர் மு.க. ஸ்டாலினின் பிறந்தநாளான மார்ச் 1-ஆம் தேதிக்குள் கூட்டணிக் கட்சிகளுக்கான தொகுதிப் பட்டியலை இறுதி செய்து வெளியிட திமுக தலைமை திட்டமிட்டுள்ளதாகத் தகவல்கள் தெரிவிக்கின்றன. இதன் மூலம் தேர்தல் பணிகளை முன்கூட்டியே விரைவுபடுத்த முடியும் என அக்கட்சி நம்புகிறது.

இந்த முறை நடிகர் விஜய்யின் 'தமிழக வெற்றிக் கழகம்' களமிறங்கியுள்ளதால், முக்கோணப் போட்டி நிலவும் என எதிர்பார்க்கப்படுகிறது. இதை எதிர்கொள்ளத் தனது கூட்டணியை வலுவாகத் தக்கவைத்துக் கொள்வதில் திமுக தீவிரம் காட்டி வருகிறது. குறிப்பாக, காங்கிரஸ் கட்சிக்கும் திமுக-வுக்கும் இடையே அதிகாரப் பகிர்வு குறித்துச் சில சலசலப்புகள் நிலவினாலும், "கூட்டணி உறுதியாக உள்ளது" எனத் தமிழக காங்கிரஸ் தலைவர் செல்வப்பெருந்தகை தெரிவித்துள்ளார்.

திமுக ஏற்கனவே 200 தொகுதிகளில் வெற்றி பெறுவதை இலக்காகக் கொண்டு தனது தேர்தல் பணிகளைத் தொடங்கியுள்ளது. தொகுதிப் பங்கீடு முடிந்த கையோடு வேட்பாளர் பட்டியலைத் தயாரிக்கும் பணிகளிலும் அக்கட்சித் தலைமை ஈடுபடவுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!