நகைப்பிரியர்களுக்கு நிம்மதி: கிடுகிடுவென உயர்ந்த தங்கம் விலை இன்று சரிவு!

தங்கத்தின் விலையானது கடந்த சில நாட்களாக புதிய உச்சத்தைத் தொட்டு வந்த நிலையில், இன்று அதிரடியாகக் குறைந்துள்ளது நகைப்பிரியர்களுக்குச் சற்று நிம்மதியை அளித்துள்ளது. சர்வதேச சந்தையில் நிலவும் பொருளாதார மாற்றங்கள் மற்றும் மத்திய வங்கிகளின் தங்கக் கொள்முதல் காரணமாக, நடுத்தர மக்களால் வாங்க முடியாத அளவிற்கு விலை உயர்ந்திருந்தது. குறிப்பாக, ஈரான்-அமெரிக்கா போர் பதற்றத்தால் விலை மேலும் உயரும் என எதிர்பார்க்கப்பட்ட நிலையில், முதலீட்டாளர்கள் கச்சா எண்ணெய் பக்கம் திரும்பியதால் தங்கத்தின் விலை குறையத் தொடங்கியுள்ளது.

கடந்த சில நாட்களாகத் தங்கத்தின் விலையில் பெரும் ஏற்ற இறக்கங்கள் காணப்படுகின்றன. நேற்று (ஏப்ரல் 8) ஒரு சவரன் தங்கம் 1 லட்சத்து 13 ஆயிரத்து 600 ரூபாய்க்கு விற்பனையாகி அதிர்ச்சியை ஏற்படுத்தியது. இந்நிலையில், இன்று (ஏப்ரல் 9) தங்கம் விலை ஓரளவு குறைந்து காணப்படுகிறது. ஒரு கிராம் தங்கம் 200 ரூபாய் குறைந்து 14,000 ரூபாய்க்கும், ஒரு சவரன் தங்கம் 1,600 ரூபாய் சரிந்து 1 லட்சத்து 12,000 ரூபாய்க்கும் விற்பனை செய்யப்படுகிறது.

தங்கத்தைத் தொடர்ந்து வெள்ளியின் விலையும் இன்று வீழ்ச்சியைச் சந்தித்துள்ளது. ஒரு கிராம் வெள்ளி 5 ரூபாய் குறைந்து 260 ரூபாய்க்கும், ஒரு கிலோ வெள்ளி 5,000 ரூபாய் குறைந்து 2 லட்சத்து 60 ஆயிரம் ரூபாய்க்கும் விற்பனையாகிறது. திருமண சீசன் மற்றும் விசேஷ நாட்கள் நெருங்கி வரும் வேளையில், விலையில் ஏற்பட்டுள்ள இந்தச் சரிவு நகை வாங்குவோரிடையே மகிழ்ச்சியை ஏற்படுத்தியுள்ளது. இருப்பினும், சர்வதேசச் சூழலைப் பொறுத்து விலை மீண்டும் மாற வாய்ப்புள்ளதாக நிபுணர்கள் கருதுகின்றனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!