தமிழகத்தில் வரும் புத்தாண்டில் அரசு அலுவலகங்கள் மற்றும் அரசு பள்ளிகள் முற்றிலும் முடங்கும் அபாயம் உருவாகியுள்ளது பொதுமக்கள், பெற்றோர் மத்தியில் பெரும் கலக்கத்தை ஏற்படுத்தியுள்ளது. 10 மற்றும் 12ம் வகுப்பு பொதுத்தேர்வுகள் நெருங்கும் நிலையில், பள்ளிகள் முடங்கும் நிலை உருவாக இருப்பது கலக்கத்தை ஏற்படுத்தியுள்ளது.

அரசு ஊழியர்கள் மற்றும் ஆசிரியர்களின் நீண்ட நாள் கோரிக்கைகளை நிறைவேற்ற தமிழக அரசு தொடர்ந்து மறுத்துவருவதைக் கண்டித்து, ஜாக்டோ ஜியோ கூட்டமைப்பு ஒரு அதிரடியான அறிவிப்பை வெளியிட்டுள்ளது. அதன்படி, தங்களின் கோரிக்கைகளை வலியுறுத்தி, வரும் ஜனவரி 6ம் தேதி முதல் காலவரையற்ற வேலை நிறுத்தப் போராட்டத்தில் ஈடுபடப்போவதாக அந்தக் கூட்டமைப்பு அறிவித்துள்ளது.

ஊழியர்கள் மற்றும் ஆசிரியர்கள் தங்களின் புதிய ஓய்வூதியத் திட்டத்தை (NPS) ரத்து செய்துவிட்டு, மீண்டும் பழைய ஓய்வூதியத் திட்டத்தை (OPS) நடைமுறைப்படுத்த வேண்டும், நிலுவையில் உள்ள அகவிலைப்படியை வழங்க வேண்டும், சரண் விடுப்பை உடனடியாக அனுமதிக்க வேண்டும் போன்ற பல்வேறு முக்கியக் கோரிக்கைகளை நீண்ட காலமாக வலியுறுத்தி வருகின்றனர். இந்தக் கோரிக்கைகள் குறித்துப் பலமுறை அரசுடன் பேச்சுவார்த்தை நடத்தியும், அதில் எந்தவித முன்னேற்றமும் ஏற்படவில்லை என்று ஜாக்டோ ஜியோ கூட்டமைப்பு குற்றம் சாட்டுகிறது. அரசு தொடர்ந்து இந்தப் பிரச்சினையைத் தாமதப்படுத்துவதைக் கண்டிக்கும் விதமாக, இந்தக் கூட்டமைப்பு கூடி அடுத்தகட்ட தீவிரப் போராட்ட முடிவுகளை எடுத்துள்ளது.

ஜாக்டோ ஜியோ கூட்டமைப்பின் ஆலோசனைக் கூட்டத்தில், அரசுக்கு அழுத்தம்கொடுக்கும் வகையில் தொடர்ச்சியான போராட்டங்களை நடத்தத் திட்டமிடப்பட்டுள்ளது. இதன் முதற்கட்டமாக, ஊழியர்கள் மற்றும் ஆசிரியர்களின் உரிமைகளை வலியுறுத்தும் வகையில், வரும் டிசம்பர் 11 மற்றும் 12 ஆம் தேதிகளில் மாநிலம் முழுவதும் உள்ள அனைத்து மாவட்டத் தலைநகரங்களிலும் 'உரிமை மீட்புப் போராட்டம்' என்ற பெயரில் ஆர்ப்பாட்டங்கள் மற்றும் பேரணிகள் நடத்தப்படும் என்று அறிவிக்கப்பட்டுள்ளது. இந்தப் போராட்டத்தில், அனைத்துப் பிரிவுகளைச் சேர்ந்த அரசு ஊழியர்களும் ஆசிரியர்களும் பெருமளவில் கலந்துகொள்ள இருக்கிறார்கள்.

முதற்கட்டப் போராட்டத்திற்குப் பிறகும் அரசு எந்தவிதமான உறுதியான நடவடிக்கையும் எடுக்கத் தவறினால், தங்களின் போராட்டத்தைத் தீவிரப்படுத்தும் நோக்குடன், டிசம்பர் 27 ஆம் தேதியன்று சென்னையில் பிரம்மாண்டமான வேலைநிறுத்த மாநாடு ஒன்று நடத்தப்படும் என்றும் ஜாக்டோ ஜியோ அமைப்பு முடிவு செய்துள்ளது. இந்தக் கூட்டத்தில், தமிழகத்தின் பல்வேறு பகுதிகளில் இருந்து லட்சக்கணக்கான அரசு ஊழியர்கள் மற்றும் ஆசிரியர்கள் கலந்துகொண்டு தங்கள் எதிர்ப்பைப் பதிவு செய்வார்கள் என எதிர்பார்க்கப்படுகிறது. இந்தப் போராட்டங்களின் மூலமாகவும் அரசு ஊழியர்களின் கோரிக்கைகளுக்குச் செவிசாய்க்கவில்லை என்றால், இறுதியாக மிகப் பெரிய முடிவை எடுக்கத் தயாராக இருப்பதாகக் கூட்டமைப்பு தெரிவித்துள்ளது.

டிசம்பர் மாதத்தில் நடைபெறும் இந்தப் போராட்டங்களைத் தொடர்ந்தும் அரசு ஊழியர்களின் கோரிக்கைகளைக் கவனிக்கத் தவறினால், வேறு வழியில்லை என்று கூறி, ஜனவரி 6ம் தேதி முதல் காலவரையற்ற வேலைநிறுத்தப் போராட்டத்தில் ஈடுபடப்போவதாக ஜாக்டோ ஜியோ கூட்டமைப்பு உறுதியாக அறிவித்துள்ளது.

இந்தக் காலவரையற்ற போராட்டம் தொடங்கினால், தமிழகம் முழுவதும் உள்ள அரசுப் பள்ளிகள், அரசு அலுவலகங்கள் மற்றும் இதர அரசு நிறுவனங்களின் அன்றாடப் பணிகள் அனைத்தும் முற்றிலும் முடங்கும் அபாயம் ஏற்பட வாய்ப்புள்ளதாக அஞ்சப்படுகிறது.  இந்த அறிவிப்பு, அரசு மற்றும் பொதுமக்களிடையே பெரும் பரபரப்பையும் எதிர்பார்ப்பையும் ஏற்படுத்தியுள்ளது. ஊழியர் சங்கங்களின் இந்தக் கடுமையான முடிவைத் தொடர்ந்து, அரசு பேச்சுவார்த்தைக்கு அழைப்பு விடுக்குமா அல்லது நிலைமை மேலும் சிக்கலாகுமா என்ற கேள்வி எழுந்துள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!