வருடத்தில் ஆரம்பத்திலேயே அசத்தலாக ஜனவரி மாத ஜிஎஸ்டி வசூல் சாதனை படைத்துள்ளது. மத்திய பட்ஜெட் 2026 தாக்கலுக்கு முன்னதாக வெளியான இந்த ஜிஎஸ்டி தரவுகள், நாட்டின் வலுவான பொருளாதார வளர்ச்சியையும், வரி ஏய்ப்பு குறைந்திருப்பதையும் உறுதிப்படுத்துகின்றன. ஜனவரி 2026-ல் வசூலான மொத்த ஜிஎஸ்டி தொகை ₹1,93,384 கோடி. இது கடந்த ஆண்டு ஜனவரி மாத வசூலை விட (₹1,82,094 கோடி) சுமார் 6.2% அதிகம். கடந்த டிசம்பர் 2025-ல் வசூலான ₹1.74 லட்சம் கோடியை விட, இது சுமார் ₹19,000 கோடி அதிகமாகும்.

வசூலான மொத்த தொகையில் மத்திய ஜிஎஸ்டி: ₹38,792 கோடி. மாநில ஜிஎஸ்டி: ₹47,817 கோடி ஒருங்கிணைந்த ஜிஎஸ்டி: ₹1,06,775 கோடி. செஸ் : ₹5,768 கோடி முக்கியமாகப் புகையிலைப் பொருட்கள் மூலம்.

நாட்டின் முக்கிய மாநிலங்களில் ஜிஎஸ்டி வசூல் சீரான வளர்ச்சியைக் கண்டுள்ளது: மகாராஷ்டிரா 15% வளர்ச்சி கண்டு தொடர்ந்து முதலிடத்தில் உள்ளது. ஹரியானா 27% என மிக உயர்ந்த வளர்ச்சியைப் பதிவு செய்துள்ளது. குஜராத் 13% வளர்ச்சி. தமிழகத்தில் ஜிஎஸ்டி வசூல் சுமார் 5% உயர்ந்துள்ளது.

பயனாளர்களுக்குத் திருப்பி அளிக்கப்பட்ட தொகையைக் (Refunds) கழித்த பிறகு, ஜனவரி மாதத்திற்கான நிகர ஜிஎஸ்டி வருவாய் ₹1.71 லட்சம் கோடியாக உள்ளது. இது கடந்த ஆண்டை விட 7.6% வளர்ச்சியாகும். வெளிநாடுகளில் இருந்து இறக்குமதி செய்யப்பட்ட பொருட்கள் மூலம் கிடைத்த வரி வருவாய் 10.1% உயர்ந்துள்ளது. பண்டிகைக் காலங்களுக்குப் பிறகு மக்கள் மத்தியில் நுகர்வு கலாசாரம் குறையாமல் இருந்ததே உள்நாட்டு வரி வசூல் 4.8% அதிகரிக்கக் காரணமாகும். செப்டம்பர் 2025-ல் செய்யப்பட்ட ஜிஎஸ்டி விகிதக் குறைப்புகள், நுகர்வை அதிகரித்து வருவாயை ஈடுகட்டியுள்ளதாகப் பொருளாதார நிபுணர்கள் கருதுகின்றனர். இந்த வலுவான வரி வசூல், 2026-27 நிதியாண்டிற்கான மத்திய அரசின் நிதிப் பற்றாக்குறையைக் குறைக்கப் பெரிதும் உதவும் என எதிர்பார்க்கப்படுகிறது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!