தமிழகத்தின் 4 மாவட்டங்களில் இன்று 'கனமழை'... வானிலை ஆய்வு மையம் எச்சரிக்கை!

தமிழகத்தில் புத்தாண்டு பிறந்ததிலிருந்தே மழையின் தாக்கம் குறையாத நிலையில், இன்று 4 மாவட்டங்களில் கனமழை பெய்ய வாய்ப்புள்ளதாக சென்னை வானிலை ஆய்வு மையம் முக்கிய எச்சரிக்கை ஒன்றை விடுத்துள்ளது. குறிப்பாக நீலகிரி, கோவை, தேனி மற்றும் தென்காசி ஆகிய மாவட்டங்களில் இன்று வானம் மேகமூட்டத்துடன் காணப்படுவதோடு, கனமழை வெளுத்து வாங்கப்போகிறது. மேற்கு தொடர்ச்சி மலையை ஒட்டியுள்ள பகுதிகளில் மழையின் வேகம் அதிகமாக இருக்கும் எனத் தெரிவிக்கப்பட்டுள்ளது.

தென்மேற்கு வங்கக்கடல் பகுதிகளின் மேல் நிலவும் வளிமண்டல கீழடுக்கு சுழற்சிதான் இந்தத் தொடர் மழைக்கு முக்கிய காரணமாகக் கூறப்படுகிறது. இதன் எதிரொலியால் இன்று தமிழகத்தின் ஒருசில இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழைக்கு வாய்ப்புள்ளது. ஏற்கனவே நீலகிரி மற்றும் தென்காசி மாவட்டங்களில் பெய்த மழையால் இயல்பு வாழ்க்கை பாதிக்கப்பட்டுள்ள நிலையில், இந்த அறிவிப்பு மக்களிடையே கூடுதல் கவனத்தை ஏற்படுத்தியுள்ளது.

மழையோடு சேர்த்து வட தமிழகத்தின் ஓரிரு இடங்களில் அதிகாலை வேளையில் லேசான பனிமூட்டமும் நிலவும் என கணிக்கப்பட்டுள்ளது. ஏற்கனவே குற்றாலம் உள்ளிட்ட பகுதிகளில் வெள்ளப்பெருக்கு ஏற்பட்டுள்ளதால், மலைப்பகுதிகளுக்குச் செல்லும் சுற்றுலாப் பயணிகள் மற்றும் பொதுமக்கள் எச்சரிக்கையுடன் இருக்குமாறு அறிவுறுத்தப்பட்டுள்ளனர். மழையின் தீவிரம் காரணமாகத் தாழ்வான பகுதிகளில் முன்னெச்சரிக்கை நடவடிக்கைகள் தீவிரப்படுத்தப்பட்டுள்ளன.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!