இந்த 2 மாவட்டங்களில் பள்ளி, கல்லூரி, அரசு ஊழியர்களுக்கு விடுமுறை அறிவிப்பு.. கலெக்டர் உத்தரவு!
இன்று புதுக்கோட்டை மற்றும் திருவாரூர் மாவட்டத்திற்கு உள்ளூர் விடுமுறை அறிவித்து அம்மாவட்ட ஆட்சியர்கள் உத்தரவிட்டுள்ளனர். திருவாரூர் மாவட்டம் மன்னார்குடியில் 23 ஏக்கர் பரப்பளவில் அமைந்துள்ள உலகப் புகழ்பெற்ற ராஜகோபாலசாமி கோவிலில் கடந்த 2010ம் ஆண்டு குடமுழுக்கு நடைபெற்றது.
குடமுழுக்கு நடந்து 15 ஆண்டுகள் ஆன நிலையில், தற்போது மீண்டும் குடமுழுக்கு நடத்த முடிவு செய்யப்பட்டு, அரசு மற்றும் கொடையாளர்கள் நிதியாக சுமார் ரூ.16 கோடி திரட்டப்பட்டது.
கடந்த ஆண்டு ஜூலை மாதம் பாலாலயம் நடைபெற்ற நிலையில், ராஜகோபுரம் உள்ளிட்ட திருப்பணிகள் முழுமையாக முடிவடைந்துள்ளன. திருப்பணிகளுக்குப் பிறகு கோவில் புதிய பொலிவுடன் பக்தர்களை வரவேற்கிறது. குடமுழுக்கு நடைபெற உள்ளதால் மன்னார்குடி மட்டுமின்றி தமிழகத்தின் பல்வேறு மாவட்டங்களில் இருந்தும் ஆயிரக்கணக்கான பக்தர்கள் வருவார்கள் என எதிர்பார்க்கப்படுகிறது.
இந்நிலையில் குடமுழுக்கு விழாவை முன்னிட்டு உள்ளூர் மக்களும் விழாவில் கலந்துக் கொள்ள வசதியாக இன்று திருவாரூர் மாவட்டத்திற்கு உள்ளூர் விடுமுறை அறிவிக்கப்பட்டுள்ளது.
திருவாரூர் மாவட்டத்தில் செயல்படும் அனைத்து தனியார் மற்றும் அரசு பள்ளி, கல்லூரிகளுக்கும் இன்று ஒருநாள் விடுமுறை வழங்கப்படுவதாக மாவட்ட ஆட்சியர் மோகனச்சந்திரன் அறிவித்துள்ளார். இந்த விடுமுறைக்கு பதிலாக பிப்ரவரி 7-ம் தேதி சனிக்கிழமை வேலை நாளாக இருக்கும் என்றும் தெரிவிக்கப்பட்டுள்ளது.
அதே போன்று புதுக்கோட்டை மாவட்டம் திருவப்பூரில் அமைந்துள்ள புகழ்பெற்ற முத்துமாரியம்மன் கோவில் குடமுழுக்கு விழா இன்று நடைபெற உள்ளது. இதில் லட்சக்கணக்கான பக்தர்கள் கலந்து கொள்வார்கள் என எதிர்பார்க்கப்படுகிறது. விழாவை முன்னிட்டு கோவிலில் சிறப்பு பூஜைகள் மற்றும் ஆன்மிக நிகழ்ச்சிகள் ஏற்பாடு செய்யப்பட்டுள்ளன. குடமுழுக்கு விழாவையொட்டி இன்று (ஜன.28 – புதன்கிழமை) புதுக்கோட்டை மாவட்டத்திற்கும் உள்ளூர் விடுமுறை அறிவிக்கப்பட்டுள்ளது. இதற்கான உத்தரவை மாவட்ட கலெக்டர் வெளியிட்டுள்ளார். விழா நாளில் போக்குவரத்து மற்றும் பாதுகாப்பு ஏற்பாடுகள் தீவிரப்படுத்தப்பட்டுள்ளன.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!