ஆசியாவின் மிகவும் பழமையான மற்றும் மிக உயரிய திரைப்பட விழாக்களில் ஒன்றாகக் கருதப்படும் 56வது இந்திய சர்வதேச திரைப்பட விழா (IFFI) கோவாவில் வெற்றிகரமாக நடைபெற்று நிறைவடைந்தது. இந்த விழாவின் நிறைவு நாளான இன்று (நவம்பர் 28), இந்தியத் திரையுலகின் சூப்பர் ஸ்டார் என்று அழைக்கப்படும் நடிகர் ரஜினிகாந்துக்கு, அவரது 50 ஆண்டு காலப் பங்களிப்பைக் கௌரவிக்கும் விதமாக, வாழ்நாள் சாதனையாளருக்கான விருது வழங்கிச் சிறப்பு செய்யப்பட்டது. இந்த உயரிய விருதைப் பெற்றபின், ரஜினிகாந்த் ஆற்றிய உரை ரசிகர்களையும், திரையுலகினரையும் நெகிழச் செய்தது.

<a style="border: 0px; overflow: hidden" href=https://youtube.com/embed/jY_TTefFs5c?autoplay=1&mute=1><img src=https://img.youtube.com/vi/jY_TTefFs5c/hqdefault.jpg alt=""><span><div class="youtube_play"></div></span></a>" title="YouTube video player" width="560">

விருதைப் பெற்ற பிறகுப் பேசத் தொடங்கிய நடிகர் ரஜினிகாந்த், தான் கடந்து வந்த ஐம்பது ஆண்டுகாலத் திரைப் பயணத்தை உணர்ச்சிப்பூர்வமாக நினைவு கூர்ந்தார். "நான் திரையுலகில் பயணித்து 50 ஆண்டுகள் ஆகிவிட்டது. இந்தக் காலம் எப்படி இவ்வளவு வேகமாக ஓடிவிட்டது என்று தெரியவில்லை. எனக்கான காலத்தின் ஓட்டம் மிகவும் வேகமானதாக இருந்தது" என்று அவர் கூறினார். அவரின் இந்தப் பேச்சு, திரையுலகில் அவர் எடுத்து வைத்த ஒவ்வொரு அடியின் உழைப்பையும் நினைவுபடுத்துவதாக அமைந்தது.

தொடர்ந்து, நடிப்புத் தொழிலின் மீது தனக்கு இருக்கும் தீராத அன்பையும், பிணைப்பையும் அவர் வெளிப்படுத்தினார். "திரைப்படத் துறையையும், நடிப்பையும் நான் உயிருக்கு உயிராக விரும்புகிறேன். இந்தப் பிறவியில் மட்டுமல்ல, இனி நான் எத்தனை பிறவி எடுத்தாலும் நடிகனாகவே பிறக்க வேண்டும் என்று நான் உளமார ஆசைப்படுகிறேன். நடிப்பு எனக்குப் பிடித்த தொழில் என்பதைத் தாண்டி, அது என் ஆன்மாவின் ஒரு பகுதி" என்று அவர் உருகிப் பேசியபோது, அரங்கில் பலத்த கைதட்டல்கள் எழுந்தன.

தனது வெற்றிக்குக் காரணமாக இருந்தவர்களைப் பற்றிப் பேசிய ரஜினிகாந்த், முதலில் எப்போதும் போலப் பொதுமக்களுக்கு நன்றி தெரிவித்தார். "நான் இன்று இந்த உயரிய விருதைப் பெறக் காரணம், என்னை வாழவைத்துக் கொண்டிருக்கும் தமிழ் மக்கள் மற்றும் இந்திய மக்கள் தான். எனது ஒவ்வொரு படத்தையும் கொண்டாடி, எனக்கு இந்த அங்கீகாரத்தைக் கொடுத்த ரசிகர்கள் தான் எனது பலம்" என்று தெரிவித்தார்.

மேலும், தன்னுடன் பணியாற்றிய திரைத்துறை நண்பர்கள், தன்னைச் செதுக்கிய இயக்குநர்கள், மற்றும் பின்னணியில் அயராது உழைக்கும் தொழில்நுட்பக் கலைஞர்கள் என அனைவருக்கும் அவர் தனது மனமார்ந்த நன்றிகளைத் தெரிவித்தார். ரஜினிகாந்தின் இந்த எமோஷனல் உரை, திரைப்பட விழா நிறைவு நாளுக்கு ஓர் உணர்வுப்பூர்வமான நிறைவைத் தந்தது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!