இன்று முதல் கே.வி. பள்ளிகளில் 'பால்வாடிகா' அட்மிஷன் ஆரம்பம்!  

மத்திய கல்வி அமைச்சகத்தின் கீழ் இயங்கும் கேந்திரிய வித்யாலயா (KV) பள்ளிகளில், 2026-27 கல்வியாண்டிற்கான 'பால்வாடிகா' (Balvatika) எனும் பாலர் வகுப்புகளில் குழந்தைகளைச் சேர்ப்பதற்கான ஆன்லைன் விண்ணப்பப் பதிவு இன்று (வெள்ளிக்கிழமை, மார்ச் 20) முதல் அதிரடியாகத் தொடங்குகிறது. எல்.கே.ஜி, யு.கே.ஜி போன்ற ஆரம்பக்கட்டப் படிப்புகளுக்கு இணையான இந்தப் பால்வாடிகா வகுப்புகளில் தங்கள் குழந்தைகளைச் சேர்க்கப் பெற்றோர்கள் ஆவலுடன் காத்திருந்த நிலையில், இன்று முதல் விண்ணப்பங்களைச் சமர்ப்பிக்கலாம் என அறிவிக்கப்பட்டுள்ளது.

குறிப்பிடப்பட்டுள்ள அத்தியாவசிய ஆவணங்களுடன் வரும் ஏப்ரல் 2-ஆம் தேதி வரை ஆன்லைன் வாயிலாக விண்ணப்பிக்க அவகாசம் வழங்கப்பட்டுள்ளது. விண்ணப்பப் பதிவு முடிந்த பிறகு, விண்ணப்பித்த குழந்தைகளில் இருந்து தகுதியானவர்கள் 'குலுக்கல்' (Lottery) முறையில் தேர்ந்தெடுக்கப்படுவார்கள். இந்தச் சேர்க்கைக்காக மொத்தம் மூன்று முறை தேர்வுப் பட்டியல்கள் வெளியிடப்படும் என்பது குறிப்பிடத்தக்கது. இதன் மூலம் வெளிப்படையான முறையில் மாணவர் சேர்க்கை உறுதி செய்யப்பட உள்ளது.

சேர்க்கை தொடர்பான கூடுதல் விபரங்கள், வயது வரம்பு மற்றும் தேவையான ஆவணங்கள் குறித்துப் பெற்றோர்கள் தெரிந்துகொள்ள https://rochennai.kvs.gov.in என்ற அதிகாரப்பூர்வ இணையதளத்தைப் பார்வையிடலாம். மத்திய அரசுப் பள்ளிகளில் தரமான தொடக்கக் கல்வியைத் தங்கள் குழந்தைகளுக்கு வழங்க விரும்பும் பெற்றோர்களுக்கு இது ஒரு பொன்னான வாய்ப்பாகக் கருதப்படுகிறது. விண்ணப்பிக்கக் கடைசி நிமிடம் வரை காத்திருக்காமல், முன்கூட்டியே பதிவுகளை மேற்கொள்ள கல்வித்துறை அறிவுறுத்தியுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!