எதிர்க்கட்சிகள்  அமளி ... 2 வது நாளாக மக்களவை முடக்கம்! 

நாடாளுமன்ற குளிர்கால கூட்டத் தொடர் திங்கள்கிழமை தொடங்கிய முதல் நாளிலேயே அவை நடவடிக்கைகள் முற்றிலும் பாதிக்கப்பட்டன. தமிழகம், மேற்கு வங்கம் உள்ளிட்ட 12 மாநிலங்களிலும் யூனியன் பிரதேசங்களிலும் நடைபெற்று வரும் வாக்காளர் பட்டியல் சிறப்பு தீவிர திருத்தம் (எஸ்ஐஆர்) குறித்து விவாதிக்க வேண்டும் என எதிர்க்கட்சி உறுப்பினர்கள் வலியுறுத்தினர். ஆனால் அவைத் தலைவர் அனுமதி மறுத்ததால், எதிர்க்கட்சியினர் அமளியில் ஈடுபட்டனர். இதன் நடுவே மணிப்பூர் GST மசோதா மட்டுமே குரல் வாக்கெடுப்பில் நிறைவேற்றப்பட்டது.

இன்று காலை 11 மணிக்கு மக்களவை மீண்டும் கூடும் போது, எஸ்ஐஆர் விவாத கோரிக்கையை எதிர்க்கட்சியினர் மீண்டும் முன்வைத்தனர். ஆனால் தலைவர் மறுப்பு தெரிவித்ததால், எதிர்க்கட்சித் தளபாட உறுப்பினர்கள் அவை நடுவில் கூடி கோஷங்கள் எழுப்பி தொடர்ந்து அமளியில் ஈடுபட்டனர். இதன் காரணமாக முதலில் மதியம் 12 மணி வரை அவை ஒத்திவைக்கப்பட்டு, பின்னர் பிற்பகல் 2 மணி வரை மீண்டும் ஒத்திவைக்கப்பட்டது. தொடர்ந்து அமளி நீடித்ததால், இன்று முழுவதும் அவை நடவடிக்கைகள் ரத்து செய்யப்பட்டன.

மக்களவை புதன்கிழமை காலை 11 மணிக்கு மீண்டும் கூடும் என்று அறிவிக்கப்பட்டுள்ளது. அதேசமயம், நிலைமைக்கு தீர்வு காண மக்களவைத் தலைவர் ஓம் பிர்லா, காங்கிரஸ், திமுக உள்ளிட்ட அனைத்து கட்சிகளின் அவைத் தலைவர்களையும் பேச்சுவார்த்தைக்கு அழைத்துள்ளார்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!