மோடி பிரதமரானது இந்தியாவின் அதிர்ஷ்டம்... புதின் புகழாரம்! 

உக்ரைன் போருக்குப் பிறகு முதல் முறையாக ரஷ்ய அதிபர் விளாதிமிர் புதின் இந்தியாவுக்கு வந்தது உலக கவனத்தை ஈர்த்தது. டிசம்பர் 4 மாலை தில்லி பலம் விமான நிலையத்துக்கு வந்த புதினை, பிரதமர் நரேந்திர மோடி நேரில் சென்று ஆரத்தழுவி வரவேற்றார். 23-வது இந்திய–ரஷ்யா உச்சி மாநாட்டை மையமாகக் கொண்ட இந்த அரசு பயணம், இரு நாடுகளின் நீண்டநாள் மூலோபாய உறவை மேலும் வலுப்படுத்தும் நிகழ்வாகும்.

புதினும் மோடியும் நடத்தவுள்ள பேச்சுவார்த்தை பாதுகாப்பு, ஆற்றல், விண்வெளி, வர்த்தகம் உள்ளிட்ட பல துறைகளைச் சுற்றி இருக்கும். “மோடி எனக்கு நம்பிக்கையான நண்பர்; இந்தியா அவருக்கு மூச்சு போல” என்ற புதினின் கருத்து, இரு நாடுகளின் தனிப்பட்ட நெருக்கத்தையும் அரசியல் நம்பிக்கையையும் வெளிப்படுத்துகிறது. அமெரிக்க அழுத்தங்களும், சீனாவின் தாக்கமும் உயர்ந்துள்ள சூழலில் இந்த உச்சி சந்திப்பு சிறப்பு கவனம் பெறுகிறது.

தில்லி ராஜ் கட்டில் உள்ள காந்தி நினைவிடத்துக்கு சென்று மலர்தூவி மரியாதை செலுத்திய புதின், “காந்தி கனவு கண்ட சமத்துவமான புதிய உலக ஒழுங்கு உருவாகிக் கொண்டிருக்கிறது” என்று குறிப்பிட்டது அரசியல் வட்டாரங்களில் பேசுபொருளாக உள்ளது. அறிவியல் மற்றும் ஆன்மீகம் குறித்த அவரது கருத்துகள், மனித வாழ்நாள் நீட்டிப்பு பற்றிய பன்னாட்டு விவாதத்துக்கு புதிய கோணத்தை சேர்த்துள்ளது. புதினின் இந்த இந்திய பயணம், இரு நாடுகளின் வரலாற்று நட்பை உணர்ச்சிப்பூர்வமாக நினைவூட்டும் வகையில் அமைந்துள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!