பார்டர் 2' திரைப்படத்தின் விளம்பரத்திற்காக மும்பை மெட்ரோவில் பயணம் செய்த நடிகர் வருண் தவான், ரயிலின் கைப்பிடியைப் பிடித்துக் கொண்டு உடற்பயிற்சி செய்த வீடியோ இணையத்தில் பெரும் விவாதத்தைக் கிளப்பியுள்ளது.

பாலிவுட் நடிகர் வருண் தவான், தனது புதிய படமான 'பார்டர் 2' படப்பிடிப்பு மற்றும் விளம்பரப் பணிகளின் ஒரு பகுதியாக மும்பை மெட்ரோவில் பயணம் செய்தார். அப்போது, பயணிகள் பிடித்துக் கொள்ளும் கைப்பிடி கம்பிகளில் தொங்கியபடி 'புல்-அப்ஸ்' (Pull-ups) எடுத்தார். இந்த வீடியோ வைரலானதைத் தொடர்ந்து, "பொதுச் சொத்தை தவறாகப் பயன்படுத்துகிறார்" எனப் பொதுமக்கள் மற்றும் நெட்டிசன்கள் கடும் கண்டனம் தெரிவித்தனர்.

பாதுகாப்பு விதிகளை மீறியதற்காகவும், பொதுச் சொத்துக்குச் சேதம் விளைவிக்கும் வகையில் நடந்துகொண்டதற்காகவும் வருண் தவானுக்கு ₹500 அபராதம் விதிக்கப்பட்டதாக ஊடகங்களில் செய்திகள் பரவின. மெட்ரோ ரயில்வே சட்டம் 2002-ன் கீழ் இந்த நடவடிக்கை எடுக்கப்பட்டதாகக் கூறப்பட்டது.

இந்த விவகாரம் குறித்து வருண் தவான் தரப்பு தற்போது அதிகாரப்பூர்வ விளக்கம் அளித்துள்ளது: நடிகருக்கு எந்தவிதமான அபராதமும் விதிக்கப்படவில்லை என்றும், பரவி வரும் செய்திகள் உண்மையல்ல என்றும் அவரது குழுவினர் தெரிவித்துள்ளனர். இந்தச் சம்பவம் ஒரு தவறான புரிதலால் ஏற்பட்டதே தவிர, உள்நோக்கத்துடன் செய்யப்படவில்லை. மெட்ரோ அதிகாரிகளுடன் பேசி இந்தப் பிரச்சினை சுமூகமாகத் தீர்க்கப்பட்டுவிட்டது என அவர்கள் விளக்கம் அளித்துள்ளனர்.

முன்னதாக மகா மும்பை மெட்ரோ ஆபரேஷன் கார்ப்பரேஷன், தனது எக்ஸ் (X) தளத்தில் நடிகரின் செயலைக் கண்டித்துப் பதிவு ஒன்றைப் போட்டிருந்தது. ஆனால், அந்தப் பதிவு சில மணி நேரங்களிலேயே நீக்கப்பட்டது சர்ச்சையை மேலும் அதிகரித்துள்ளது.

மெட்ரோ ரயிலுக்குள் சாகசங்கள் செய்வது, மற்ற பயணிகளுக்கு இடையூறு விளைவிப்பது அல்லது கைப்பிடிகளில் தொங்குவது போன்ற செயல்கள் தண்டனைக்குரிய குற்றமாகும். இதற்காக ₹500 முதல் சிறைத்தண்டனை வரை வழங்கச் சட்டத்தில் இடமுள்ளது.

சாதாரண பொதுமக்கள் இது போன்ற செயல்களில் ஈடுபட்டால் உடனடியாகக் கைது அல்லது அபராதம் விதிக்கப்படும் நிலையில், ஒரு பிரபலத்திற்கு அபராதம் விதிக்கப்படாமல் 'சுமூகமாக' முடிக்கப்பட்டது ஏன் எனச் சமூக ஆர்வலர்கள் கேள்வி எழுப்பி வருகின்றனர். 1997-ல் வெளியான சூப்பர் ஹிட் 'பார்டர்' படத்தின் இரண்டாம் பாகமான இதில் சன்னி தியோல், வருண் தவான் மற்றும் தில்ஜித் தோசாஞ்ச் ஆகியோர் நடித்து வருகின்றனர். இந்தப் படம் 2026 ஜனவரியில் வெளியாகத் திட்டமிடப்பட்டுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!