வாடகை வீட்டில் வசிப்பவர்களுக்கு வருமான வரித்துறை செக்!  

வருமான வரிச் சலுகை பெறுவதற்காக போலி வாடகை ரசீதுகளைச் சமர்ப்பிப்பதைத் தடுக்கும் வகையில், வாடகை செலுத்துபவர்கள் மீதான கண்காணிப்பை வருமான வரித் துறை தீவிரப்படுத்தியுள்ளது. இனிமேல் வாடகை ஒப்பந்தம் மற்றும் ரசீதுகள் மட்டும் வரி விலக்கு பெறப் போதுமானதாக இருக்காது என்று அறிவிக்கப்பட்டுள்ளது.

புதிய விதிகளின்படி, ஒரு நிதியாண்டில் நீங்கள் செலுத்தும் மொத்த வாடகைத் தொகை 1 லட்ச ரூபாயைத் தாண்டினால், உங்கள் வீட்டு உரிமையாளரின் நிரந்தரக் கணக்கு எண்ணை (PAN) வருமான வரித் தாக்கல் செய்யும்போது குறிப்பிடுவது கட்டாயமாக்கப்பட்டுள்ளது. ஒருவேளை வீட்டு உரிமையாளரிடம் இந்த எண் இல்லை என்றால், அவரிடமிருந்து முறைப்படியான எழுத்துப்பூர்வ உறுதிமொழிப் படிவத்தைப் பெற்றுச் சமர்ப்பிக்க வேண்டும்.

மேலும், வரி ஏய்ப்பு புகார்களைத் தவிர்க்க வாடகைத் தொகையை ரொக்கமாகச் செலுத்துவதைத் தவிர்த்து, வங்கிப் பரிமாற்றம் அல்லது மின்னணு முறையிலான பணப் பரிவர்த்தனைகளை மேற்கொள்ளுமாறு அறிவுறுத்தப்பட்டுள்ளது. இதற்கான வங்கி அறிக்கைகள் மற்றும் டிஜிட்டல் ஆதாரங்களை வருமான வரித் துறை எப்போது வேண்டுமானாலும் ஆய்வுக்குக் கோரலாம் என்பதால், அவற்றைச் சரியாகப் பராமரிப்பது அவசியமாகிறது. இந்த அதிரடி மாற்றங்கள் மூலம் வீட்டு வாடகைப்படி (HRA) கோருவதில் நடக்கும் முறைகேடுகளை முழுமையாகக் கட்டுப்படுத்த அரசு திட்டமிட்டுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!