ட்ரம்ப் கொலை சதி வழக்கு… குற்றவாளி ரியான் ரூத்துக்கு ஆயுள் தண்டனை!

அமெரிக்க முன்னாள் அதிபர் டொனால்டு ட்ரம்பைக் கொல்ல சதி செய்த வழக்கில் ரியான் ரூத் என்பவருக்கு ஆயுள் தண்டனை விதிக்கப்பட்டுள்ளது. 2024 அதிபர் தேர்தலுக்கு முன்பு இந்த சம்பவம் நடந்ததாக கூறப்படுகிறது. புளோரிடாவில் ட்ரம்ப் கோல்ஃப் விளையாடிக் கொண்டிருந்தபோது ரூத் துப்பாக்கியுடன் புதர்களில் மறைந்திருந்தார். பின்னர் உளவுத்துறையினர் அவரை கண்டுபிடித்து கைது செய்தனர்.

விசாரணையின் போது ரூத் தனது வழக்கறிஞராக தானே செயல்பட்டார். அவர் 27 ஆண்டுகள் சிறைத் தண்டனை வழங்க வேண்டும் என நீதிமன்றத்தில் கோரினார். ஆனால் இந்த குற்றம் அமெரிக்க ஜனநாயகத்தை பாதிக்கும் வகையில் இருந்ததாக அரசுத் தரப்பு வாதிட்டது. இதனால் ஆயுள் தண்டனை வழங்க வேண்டும் என அவர்கள் வலியுறுத்தினர்.

வழக்கை விசாரித்த நீதிபதி அய்லி கேனன், திட்டமிட்டு கொலை சதியில் ஈடுபட்டது தெளிவாக உள்ளது என தீர்ப்பளித்தார். சம்பவத்திற்கு முன்பு ரூத் புளோரிடாவுக்கு வந்து ட்ரம்பின் நடமாட்டத்தை கண்காணித்ததாக கூறப்படுகிறது. ட்ரம்பை கொல்லும் நோக்கம் இல்லை என ரூத் மறுத்திருந்தார். இருந்தபோதும் நீதிமன்றம் ஆயுள் தண்டனை விதித்து தீர்ப்பு வழங்கியுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!