மலேசியாவில் நடைபெற்று வரும் மதிப்புமிக்கச் சுல்தான் அஸ்லான் ஷா கோப்பை ஹாக்கிப் போட்டியில், இந்திய அணி அபாரமான ஆட்டத்தை வெளிப்படுத்தி இறுதிப் போட்டிக்குத் தகுதி பெற்றுள்ளது. குரூப் சுற்றில் சனிக்கிழமை நடைபெற்ற கடைசி ஆட்டத்தில், கனடாவை எதிர்த்து விளையாடிய இந்தியா, 14-3 என்ற கோல் கணக்கில் மிகப்பெரிய வெற்றியைப் பதிவு செய்தது.

கனடாவை வீழ்த்தியதன் மூலம், ரவுண்ட் ராபின் சுற்று முடிவில் இந்திய அணி புள்ளிகள் பட்டியலில் 12 புள்ளிகளுடன் இரண்டாம் இடத்தைப் பிடித்தது. இதன் விளைவாக, இன்று (நவம்பர் 30, ஞாயிற்றுக்கிழமை) நடைபெறும் இறுதிப் போட்டிக்குத் தகுதி பெற்றது.

இறுதி ஆட்டத்தில், 13 புள்ளிகளுடன் முதலிடத்தில் இருக்கும் பலம் வாய்ந்த பெல்ஜியம் அணியை இந்தியா எதிர்கொள்ளவுள்ளது. இந்தப் போட்டியில், இந்தியா சந்தித்த ஒரே ஒரு தோல்வி பெல்ஜியத்திடம் தான் என்பதால், இறுதி ஆட்டத்தில் அதற்குப் பதிலடி கொடுக்கும் முனைப்புடன் இந்திய அணி களம் காணும் என எதிர்பார்க்கப்படுகிறது.

கனடாவுக்கு எதிரான ஆட்டத்தில், இந்திய வீரர்கள் கோல் மழையைப் பொழிந்து வெற்றியை உறுதி செய்தனர். ஜக்ராஜ் சிங் தனி ஆளாக 4 கோல்கள் (12', 26', 39', 50') அடித்து அசத்தினார். ராஜிந்தர் சிங் (10', 24'), அமித் ரோஹிதாஸ் (15', 46'), அபிஷேக் நைன் (57', 59') ஆகியோர் தலா 2 கோல்கள் அடித்து வெற்றிக்குப் பங்களித்தனர். நீலகண்ட சர்மா (4'), தில்பிரீத் சிங் (25'), கார்த்தி செல்வம் (43'), சஞ்சய் ராணா (56') ஆகியோரும் தலா ஒரு கோல் அடித்து அணியின் வெற்றியை உறுதி செய்தனர்.

கனடா தரப்பில் பிரெண்டன் குராலியுக் (11'), மேத்யூ சர்மண்டோ (35'), ஜோதிஸ்வரூப் சித்து (55') ஆகியோர் ஆறுதல் கோல்களை மட்டுமே அடிக்க முடிந்தது. மற்ற ஆட்டங்களில், பெல்ஜியம் அணி நியூசிலாந்தையும் (5-1), தென் கொரியா அணி மலேசியாவையும் (4-3) வென்றது குறிப்பிடத்தக்கது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!