"எங்க எருமையை விக்காதீங்க " ... கண்ணீருடன் கதறும் சிறுவன்... வைரல் வீடியோ!
விலங்குகளுக்கும் மனிதர்களுக்குமான ஆழமான பிணைப்பை விளக்கும் மிக நெகிழ்ச்சியான வீடியோ ஒன்று சமூக வலைதளங்களில் காட்டுத்தீயாகப் பரவி வருகிறது. தனது குடும்பத்தினர் விற்க முயன்ற செல்ல எருமை மாட்டைப் பிரிய மனமில்லாமல், ஒரு சிறுவன் கண்ணீருடன் போராடும் காட்சி காண்போரின் நெஞ்சைக் கரைய வைத்துள்ளது. பெரியவர்கள் எருமையை விற்பனை செய்வது குறித்துப் பேசிக் கொண்டிருந்தபோது, அந்தச் சிறுவன் ஓடிச்சென்று எருமையைக் கட்டியணைத்துக் கொண்டு “என்னால் இதை விட முடியாது” என்று கதறி அழுதுள்ளான்.
குடும்பத்தினர் எருமையின் கயிற்றை அவிழ்க்க முயன்றபோது, அவர்களைத் தடுத்து அந்தச் சிறுவன் ஆவேசமாகச் சத்தமிட்டது அவன் அந்த விலங்கு மீது வைத்திருந்த எல்லையற்ற அன்பைப் பிரதிபலிப்பதாக அமைந்தது. இன்ஸ்டாகிராமில் பகிரப்பட்ட இந்த வீடியோ, பதிவேற்றப்பட்ட சில நாட்களிலேயே 1.15 மில்லியனுக்கும் அதிகமான பார்வைகளைப் பெற்று சாதனை படைத்துள்ளது. ஒரு வாயில்லா ஜீவனுக்காக அந்தச் சிறுவன் காட்டிய பாசம் இணையவாசிகளைக் கலங்கச் செய்துள்ளது.
இந்த வீடியோவைக் கண்ட நெட்டிசன்கள், “இதுதான் கலப்படமில்லாத தூய அன்பு” என்றும், “அந்தச் சிறுவனின் இதயம் பலரது மனதைத் தொட்டுள்ளது” என்றும் நெகிழ்ச்சியுடன் கருத்துகளைப் பகிர்ந்து வருகின்றனர். இதை வெறும் சிறுவனின் பிடிவாதமாகப் பார்க்காமல், தனது பிரியமான உயிரினத்தைப் பறிகொடுத்துவிடுவோமோ என்ற அச்சத்தினால் எழுந்த உண்மையான பாசமாகவே பலரும் கருதுகின்றனர். இந்த வீடியோ தற்போது சமூக வலைதளங்களில் வைரலாகி, மனித நேயத்தையும் விலங்குகள் மீதான அன்பையும் பறைசாற்றி வருகிறது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!