தமிழகத்தில் இன்று 234 சட்டமன்றத் தொகுதிகளுக்கான இறுதி வாக்காளர் பட்டியல் அதிகாரப்பூர்வமாக வெளியிடப்பட உள்ள நிலையில், வாக்காளர்கள் பட்டியலில் உங்க பெயர் இருக்கா? என்று எப்படி சரிபார்ப்பது என்று தெரிஞ்சுக்கலாம் வாங்க.

கடந்த ஜனவரி 1, 2026 தேதியைத் தகுதி நாளாகக் கொண்டு இந்தச் சிறப்புத் திருத்தப் பணிகள் மேற்கொள்ளப்பட்டன. இறந்தவர்கள், குடிபெயர்ந்தவர்கள் மற்றும் இரட்டைப் பதிவுகளை நீக்கும் பணிகள் தீவிரமாக நடந்தன. அதேபோல், 18 வயது பூர்த்தியடைந்த புதிய வாக்காளர்களைச் சேர்க்கும் பணியும் சிறப்பாக நடைபெற்றது. வாக்காளர் பட்டியலில் இருந்த சில குளறுபடிகள் தொடர்பாக உச்ச நீதிமன்றம் அளித்த வழிகாட்டுதல்களின்படி, ஆட்சேபனைகள் வரவேற்கப்பட்டு அவை முறையாகத் தீர்க்கப்பட்ட பின்னரே இந்தப் பட்டியல் இறுதி செய்யப்பட்டுள்ளது.

இன்று காலை பட்டியல் வெளியானவுடன், பொதுமக்கள் வருவாய் கோட்டாட்சியர் அலுவலகங்கள், தாலுகா அலுவலகங்கள் மற்றும் நகராட்சி அலுவலகங்களில் இந்தப் பட்டியல் பொதுமக்களின் பார்வைக்கு வைக்கப்படும். அந்தந்தப் பகுதிகளில் உள்ள வாக்குச்சாவடி நிலை அலுவலர்களிடமும் இந்தப் பட்டியலில் தங்கள் பெயர்களைச் சரிபார்த்துக் கொள்ளலாம்: தமிழகத் தேர்தல் ஆணையத்தின் அதிகாரப்பூர்வ இணையதள முகவரியில் ஆன்லைன் மூலம் சரிபார்க்கலாம்.

புதிதாகச் சேர்க்கப்பட்ட வாக்காளர்கள் மற்றும் முகவரி மாற்றம் செய்தவர்களுக்கு விரைவில் புதிய வாக்காளர் அடையாள அட்டைகள் அஞ்சல் வழியாக அனுப்பி வைக்கப்படும் அல்லது வாக்குச்சாவடி நிலை அலுவலர்கள் மூலம் வழங்கப்படும். இந்த இறுதிப் பட்டியல் வெளியிடப்பட்ட பிறகும், விடுபட்டவர்கள் தொடர் திருத்தப் பணிகளின் கீழ் தங்கள் பெயர்களைச் சேர்க்க விண்ணப்பிக்கலாம் என்பது குறிப்பிடத்தக்கது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!