தேர்தல் நெருங்கும் நேரத்தில் தமிழக அரசு மகளிருக்கு 5,000 ரூபாய் வழங்கியிருப்பதை, திமுகவின் "தோல்வி பயம்" என திண்டுக்கல் சீனிவாசன் கடுமையாகச் சாடியுள்ளார்.

செய்தியாளர்களிடம் பேசிய திண்டுக்கல் சீனிவாசன், "கடந்த நான்கு ஆண்டுகளாக இந்த அரசுக்குத் தெரியாத கோடைக்காலம், இப்போது தேர்தல் வரும்போது மட்டும் தெரிகிறதா? இது பெண்களுக்குக் கொடுக்கும் உரிமைத் தொகை அல்ல, இது ஓட்டுக்காகக் கொடுக்கப்படும் 'அட்வான்ஸ்' லஞ்சம்" என்று விமர்சித்தார். தேர்தல் கமிஷன் எப்போது வேண்டுமானாலும் தேதி அறிவிக்கலாம் என்பதால், அவசர அவசரமாக இந்தப் பணத்தை வழங்கியுள்ளதாக அவர் குறிப்பிட்டார்.

சமீபகாலமாகத் தமிழக அரசியலில் ஏற்பட்டுள்ள மாற்றங்களைச் சுட்டிக்காட்டிய அவர், "மதுரை மாநாட்டிற்குப் பிறகு அதிமுகவின் எழுச்சியையும், தற்போது கிளம்பியுள்ள புதிய கட்சிகளின் கூட்டத்தையும் பார்த்து முதல்வர் ஸ்டாலினுக்கு ஜுரம் வந்துவிட்டது. அதனால் தான் மக்களிடம் செல்வாக்கை இழந்துவிடுவோமோ என்ற பயத்தில் பணத்தை வாரி இறைக்கிறார்கள்" என்று எள்ளி நகையாடினார்.

அதிமுக ஆட்சிக்கு வந்தால் மகளிருக்கு வழங்கப்படும் நிதி முறையாகவும், பாரபட்சம் இல்லாமலும் அனைவருக்கும் சென்றடையும் வகையில் மாற்றியமைக்கப்படும் என்று அவர் உறுதி அளித்தார். தற்போது பல தகுதியான பெண்களுக்கு இந்தத் தொகை மறுக்கப்பட்டுள்ளதாகவும், அதனை அதிமுக சரி செய்யும் என்றும் அவர் தெரிவித்தார்.

தனது பேச்சின் ஊடே சில நகைச்சுவையான கருத்துகளையும் அவர் பகிர்ந்துகொண்டார். "திமுகவினர் இப்போது எவ்வளவு கொடுத்தாலும், மக்கள் அதிமுக பக்கம் வருவதைத் தடுக்க முடியாது. இரட்டை இலை சின்னம் இருக்கும் பக்கம் தான் வெற்றி இருக்கும்" என்று அவர் நம்பிக்கையுடன் தெரிவித்தார்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!