சுவிதா செயலியில்   724 விண்ணப்பங்களுக்கு அதிரடி அனுமதி!

தமிழக சட்டப்பேரவைத் தேர்தலை முன்னிட்டு, சென்னை மாவட்டத்தில் உள்ள 16 தொகுதிகளிலும் தேர்தல் பிரச்சாரப் பணிகள் சூடுபிடித்துள்ளன. அரசியல் கட்சிகள் மற்றும் வேட்பாளர்கள் பொதுக்கூட்டங்கள், பேரணிகள் மற்றும் வாகனப் பிரச்சாரங்களை மேற்கொள்ள இந்திய தேர்தல் ஆணையத்தின் 'சுவிதா' செயலி மூலம் அனுமதி பெறுவது கட்டாயமாக்கப்பட்டுள்ளது. அதன்படி, எந்தவொரு நிகழ்வையும் தொடங்குவதற்கு 48 மணி நேரத்திற்கு முன்பாகவே சம்பந்தப்பட்ட தேர்தல் நடத்தும் அலுவலரிடம் முறையாக விண்ணப்பித்து அனுமதி பெற வேண்டும் என அறிவுறுத்தப்பட்டுள்ளது.

நேற்று காலை 11 மணி நிலவரப்படி, இந்தச் செயலி மூலம் மொத்தம் 1,157 விண்ணப்பங்கள் அதிகாரிகளிடம் வந்து சேர்ந்துள்ளன. இதில் தீவிரப் பரிசீலனைக்குப் பிறகு 724 விண்ணப்பங்கள் ஏற்றுக்கொள்ளப்பட்டு, பிரச்சாரத்திற்கான அனுமதிக் கடிதங்கள் வழங்கப்பட்டுள்ளன. அதேசமயம், முறையான ஆவணங்கள் இல்லாத காரணத்தால் 219 விண்ணப்பங்கள் அதிரடியாக நிராகரிக்கப்பட்டுள்ளன. மீதமுள்ள 214 விண்ணப்பங்கள் தற்போது தேர்தல் அதிகாரிகளின் நேரடிப் பரிசீலனையில் உள்ளன.

சென்னை மாநகரம் முழுவதும் தேர்தல் பிரச்சாரங்களை முறைப்படுத்த, பொதுக்கூட்டங்கள் நடத்த 112 இடங்களும், தெருமுனைக் கூட்டங்கள் நடத்த 179 இடங்களும் என மொத்தம் 291 இடங்கள் மாவட்ட தேர்தல் அதிகாரியால் அங்கீகரிக்கப்பட்டுள்ளன. இந்த இடங்களைத் தவிர மற்ற இடங்களில் கூட்டங்கள் நடத்த அனுமதி வழங்கப்பட மாட்டாது எனத் தேர்தல் ஆணையம் கறாராகத் தெரிவித்துள்ளது. விதிமுறைகளை மீறிச் செயல்படும் வேட்பாளர்கள் மற்றும் கட்சிகள் மீது கடும் நடவடிக்கை எடுக்கப்படும் எனவும் அதிகாரிகள் எச்சரிக்கை விடுத்துள்ளனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!