ஆன்லைன் விளையாட்டுகளுக்கு ஆதார் இணைப்பு, நேரக்கட்டுப்பாடு  விதித்த தமிழ்நாடு அரசின் விதிமுறைகள் செல்லும்.. உயர்நீதிமன்றம் பரபர தீர்ப்பு!  

 
 
ஆன்லைன் விளையாட்டுக்களை முறைப்படுத்த தமிழகத்தில் 2022ல்  தமிழ்நாடு ஆன்லைன் சூதாட்ட தடை மற்றும் ஆன் லைன் விளையாட்டுக்கள் ஒழுங்குமுறைச் சட்டம் இயற்றப்பட்டது.  இந்த சட்டத்தை எதிர்த்து தாக்கல் செய்யப்பட்ட வழக்குகளை விசாரித்த சென்னை உயர் நீதிமன்றம், அதிர்ஷ்டத்துக்கான ஆன்லைன்  விளையாட்டுக்களை தடை செய்தது செல்லும் என தீர்ப்பளித்தது. 

அதேசமயம், திறமைக்கான ஆன்லைன் விளையாட்டுக்களான ரம்மி, போக்கர் விளையாட்டுக்களை தடை செய்த பிரிவுகளை ரத்து செய்து தீர்ப்பளித்த உயர் நீதிமன்றம், ஆன் லைன் ரம்மி உட்பட பல  விளையாட்டுக்களை விளையாடுவதற்கான வயது, நேரம் குறித்த  அரசு  விதிகளை உருவாக்கிக் கொள்ளலாம் என 2023ம் ஆண்டு நவம்பர் மாதம் தீர்ப்பளித்திருந்தது.
இந்த சட்டத்தின்படி  ஆன்லைன் விளையாட்டுக்களை ஒழுங்குபடுத்த  2025 பிப்ரவரி 14ம் தேதி விதிமுறைகள் வகுக்கப்பட்டு அரசிதழில்  வெளியிடப்பட்டது. அதில்,  ஆன்லைன் விளையாட்டுக்களை விளையாட ஆதார் இணைப்பு கட்டாயமாக்கியும், நள்ளிரவு 12 மணி முதல் அதிகாலை 5 மணி வரை விளையாட்டுக்கு யாரையும் அனுமதிக்க கூடாது என நேர கட்டுப்பாடும் விதிக்கப்பட்டிருந்தது.

 
இந்த விதிகளை எதிர்த்து தனியார் விளையாட்டு நிறுவனங்கள்  சார்பில் சென்னை உயர் நீதிமன்றத்தில் வழக்குகள் தாக்கல் செய்யப்பட்டுள்ளன.   இந்நிலையில், இந்த வழக்குகளில், நீதிபதிகள் எஸ்.எம்.சுப்பிரமணியம் மற்றும் கே.ராஜசேகர் அமர்வு இன்று  ஆன்லைன் விளையாட்டுகளுக்கு ஆதார் இணைப்பை கட்டாயப்படுத்தி, நேரக்கட்டுப்பாடு  விதித்த தமிழ்நாடு அரசின் விதிமுறைகள் செல்லும் என தீர்ப்பளித்துள்ளது.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க நட்சத்திரத்துக்கு லாபம் தரும் துறை எது