சொத்து வாங்குவது மற்றும் விற்பது தொடர்பான பத்திரப்பதிவு நடைமுறையை எளிமையாக்க, தமிழ்நாடு அரசு ஒரு டிஜிட்டல் புரட்சியை அறிமுகப்படுத்தவுள்ளது. 'ஸ்டார் 3.0’ (STAR 3.0) என்ற புதிய திட்டம் மூலம் பொதுமக்கள் சார்பதிவாளர் அலுவலகத்திற்கு அலைய வேண்டிய அவசியம் இருக்காது என்று தெரிவிக்கப்பட்டுள்ளது.

‘ஸ்டார் 3.0’ என்றால் என்ன?

தற்போது நடைமுறையில் உள்ள 'ஸ்டார் 2.0' மென்பொருளில் ஏற்படும் சர்வர் கோளாறுகள் மற்றும் தாமதங்களைச் சரிசெய்யும் வகையில், சுமார் ₹323.45 கோடி நிதி ஒதுக்கீட்டில் இந்தச் 'ஸ்டார் 3.0' திட்டம் உருவாக்கப்பட்டு வருகிறது. இந்தத் திட்டத்தின் மையமாகச் செயற்கை நுண்ணறிவு (AI) தொழில்நுட்பம் செயல்படும்.

வீட்டிலிருந்தே பத்திரப்பதிவு சாத்தியம்

இந்தத் திட்டத்தின் மிகப்பெரிய சிறப்பம்சம், பொதுமக்கள் மணிக்கணக்கில் காத்திருக்காமல், தங்கள் வீட்டிலிருந்தே பதிவுகளை முடித்துக்கொள்ள முடியும் என்பதே ஆகும்.

சொத்து வாங்குபவர் மற்றும் விற்பவரின் பெயர், சொத்து விவரங்களை உள்ளீடு செய்தால், மென்பொருளே பத்திரத்தைத் தானாகத் தயாரித்துவிடும். ஆதார் எண்ணைப் பதிவு செய்து, விரல் ரேகை (பயோமெட்ரிக்) மற்றும் பதிவு செய்யப்பட்ட மொபைல் எண்ணுக்கு வரும் ஓடிபி (OTP) மூலம் அங்கீகாரம் வழங்கினால், பத்திரப்பதிவு 10 நிமிடங்களில் முடிந்துவிடும். தேவைகள்: வீட்டில் ஸ்கேனர், பிரின்டர் மற்றும் வெப் கேமரா வசதி இருந்தால் போதும்.

உடனடி நகல் மற்றும் ஊழல் ஒழிப்பு

உடனடி நகல்: பதிவு செய்த அடுத்த நிமிடமே, டிஜிட்டல் கையெழுத்திடப்பட்ட சான்றிட்ட பத்திரத்தின் நகலை (Certified Copy) டவுன்லோட் செய்து கொள்ளலாம். பத்திரப்பதிவுக்கான அனைத்துக் கட்டணங்களும் ஆன்லைன் மூலமாகவே செலுத்தப்படுவதால், ரொக்கப் பரிமாற்றத்தில் நடக்கும் முறைகேடுகள் தவிர்க்கப்படும்.

வருவாய் துறை, நில நிர்வாகத் துறை, சர்வே துறை ஆகியவற்றுடன் ஜிபிஎஸ் (GPS) தொழில்நுட்பம் இணைக்கப்பட்டுச் செயல்படுவதால், போலிப் பத்திரப் பதிவுகள் அடியோடு ஒழிக்கப்படும் என்று எதிர்பார்க்கப்படுகிறது.

எப்போது அமலுக்கு வரும்?

இந்தத் திட்டம் முதற்கட்டமாகச் சோதனையோட்ட அடிப்படையில் (Pilot Project), கோயம்புத்தூர் மாவட்டம், காந்திபுரம் சார்பதிவாளர் அலுவலகத்தில் விரைவில் அறிமுகப்படுத்தப்படவுள்ளது. அதன் வரவேற்பைப் பொறுத்து, தமிழ்நாடு முழுவதும் உள்ள 590 சார்பதிவாளர் அலுவலகங்களிலும் இது விரிவுபடுத்தப்படும்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!