ரயிலில் இளம்பெண் பலாத்காரம்... போதையில் ராணுவ வீரர் வெறிச்செயல்!
ஜார்க்கண்ட் மாநிலத்தில் ஓடும் ரயிலில் இளம்பெண் ஒருவர் ராணுவ வீரரால் பாலியல் வன்கொடுமை செய்யப்பட்ட சம்பவம் நாடு முழுவதும் பெரும் அதிர்வலைகளை ஏற்படுத்தியுள்ளது. நாட்டின் பாதுகாப்பிற்காகப் பணியாற்றும் ஒரு வீரரே, பொதுமக்களுக்குப் பாதுகாப்பு இல்லாத வகையில் இத்தகைய கொடூரச் செயலில் ஈடுபட்டது மக்களிடையே கடும் கொந்தளிப்பை ஏற்படுத்தியுள்ளது. இந்தச் சம்பவம் ஜார்க்கண்ட் மாநிலம் டட்டிசில்வாய் (Tatisilwai) ரயில் நிலையத்தில் அரங்கேறியுள்ளது.
டட்டிசில்வாய் ரயில் நிலையத்திற்கு ராணுவத்தினருக்கான சிறப்பு ரயில் ஒன்று வந்துள்ளது. அந்த ரயிலில் 42 வயதான ராணுவ வீரர் ஒருவர் பாதுகாப்புப் பணியில் ஈடுபட்டிருந்தார். அப்போது ரயில் நிலையத்தில் ரயிலுக்காகக் காத்து நின்றிருந்த 22 வயது இளம்பெண்ணை, அந்த வீரர் வலுக்கட்டாயமாகப் பிடித்து இழுத்துச் சென்று ரயிலின் ஒரு பகுதியில் வைத்துப் பலாத்காரம் செய்துள்ளார். அந்த ராணுவ வீரர் அந்தச் சமயத்தில் மதுபோதையில் இருந்ததாகக் கூறப்படுகிறது. அந்தப் பெண் உயிருக்குப் பயந்து அலறிய சத்தம் கேட்டு, ரயில் நிலையத்தில் இருந்த பயணிகள் மற்றும் ஊழியர்கள் உடனடியாக ரயில்வே போலீசாருக்குத் தகவல் அளித்தனர்.
தகவல் அறிந்ததும் சம்பவ இடத்திற்கு விரைந்து வந்த ரயில்வே போலீசார், ரயிலுக்குள் இருந்து தப்பியோட முயன்ற அந்த ராணுவ வீரரை மடக்கிப் பிடித்துக் கைது செய்தனர். பாதிக்கப்பட்ட இளம்பெண் மீட்கப்பட்டு உடனடியாக மருத்துவமனைக்கு அனுப்பி வைக்கப்பட்டார். அந்தப் பெண்ணிடம் பெறப்பட்ட வாக்குமூலத்தின் அடிப்படையில், போலீசார் அந்த ராணுவ வீரர் மீது கடுமையான பிரிவுகளின் கீழ் வழக்குப் பதிவு செய்துள்ளனர்.
கைது செய்யப்பட்ட ராணுவ வீரர் தற்போது நீதிமன்றக் காவலில் வைக்கப்பட்டுள்ளார். ராணுவ ஒழுங்கு விதிகளின்படி அவர் மீது துறை ரீதியான நடவடிக்கைகளும் எடுக்கப்படும் என எதிர்பார்க்கப்படுகிறது. ரயில் நிலையங்கள் போன்ற பொது இடங்களிலேயே பெண்களுக்குப் பாதுகாப்பு இல்லாத சூழல் நிலவுவது குறித்துச் சமூக ஆர்வலர்கள் கவலை தெரிவித்துள்ளனர். இந்தச் சம்பவம் தொடர்பாகத் தீவிர விசாரணை நடைபெற்று வருவதாக ஜார்க்கண்ட் மாநில காவல்துறை தெரிவித்துள்ளது.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!