இஸ்ரேல் மற்றும் காசா இடையேயான போர் நிறுத்த ஒப்பந்தத்திற்கு இடையே, காசாவில் மீண்டும் வான்வழித் தாக்குதல்கள் தீவிரமடைந்துள்ளன. இந்தத் தாக்குதலில் குழந்தைகள் உட்பட பலர் கொல்லப்பட்டுள்ளனர். 

இஸ்ரேல் ராணுவம் நேற்று (பிப்ரவரி 4) காசா முழுவதும் நடத்திய வான்வழி மற்றும் பீரங்கித் தாக்குதல்களில் குழந்தைகள் மற்றும் பெண்கள் உட்பட 24 பாலஸ்தீனியர்கள் உயிரிழந்ததாகக் காசா சுகாதார அமைச்சகம் தெரிவித்துள்ளது.

இஸ்ரேல் ராணுவத்தின் கூற்றுப்படி, காசாவின் "மஞ்சள் கோடு"  எனப்படும் எல்லைப் பகுதியில் பாதுகாப்புப் பணியில் இருந்த இஸ்ரேல் வீரர்கள் மீது பாலஸ்தீன ஆயுதமேந்திய குழுவினர் திடீர் துப்பாக்கிச் சூடு நடத்தியுள்ளனர். இதில் ஒரு இஸ்ரேலிய ரிசர்வ் படை அதிகாரி படுகாயமடைந்துள்ளார். இதற்குப் பதிலடியாகவே "துல்லியமான தாக்குதல்களை" நடத்தியதாக இஸ்ரேல் தெரிவித்துள்ளது.

துஃபா (Tuffah) பகுதியில் உள்ள ஒரு குடியிருப்பு கட்டிடத்தின் மீது நடத்தப்பட்ட தாக்குதலில் ஒரே குடும்பத்தைச் சேர்ந்த 11 பேர் உயிரிழந்தனர். இதில் 10 நாள் மற்றும் 5 மாதக் குழந்தைகளும் அடக்கம். இங்குள்ள அகதிகள் முகாம் மற்றும் கூடாரங்கள் மீது நடத்தப்பட்ட தாக்குதலில் ஒரு சிறுவன் உட்பட 3 பேர் உயிரிழந்தனர். மேலும், காயமடைந்தவர்களுக்கு உதவச் சென்ற ஒரு மருத்துவப் பணியாளரும் இரண்டாவது தாக்குதலில் கொல்லப்பட்டார்.

அமெரிக்காவின் மத்தியஸ்தத்தில் கடந்த 2025 அக்டோபர் 10-ஆம் தேதி முதல் அமலில் உள்ள போர் நிறுத்த ஒப்பந்தம், இத்தகைய தொடர் மோதல்களால் பலவீனமடைந்து வருகிறது: போர் நிறுத்தம் அமலுக்கு வந்த பிறகு இதுவரை சுமார் 556 பாலஸ்தீனியர்கள் இஸ்ரேலியத் தாக்குதல்களில் கொல்லப்பட்டுள்ளனர். இதே காலக்கட்டத்தில் 4 இஸ்ரேலிய வீரர்கள் உயிரிழந்துள்ளனர். எகிப்து, கத்தார் மற்றும் ஜோர்டான் போன்ற நாடுகள் இஸ்ரேலின் இந்தச் செயலை "ஒப்பந்த மீறல்" என்று கண்டித்துள்ளன.

ஒருபுறம் தாக்குதல்கள் நடந்தாலும், மறுபுறம் காசா - எகிப்து இடையேயான ரஃபா எல்லைப் பகுதி கடந்த சில நாட்களாகத் திறக்கப்பட்டு, மிகக் குறைந்த அளவில் மக்கள் நடமாட்டம் மற்றும் உதவிப் பொருட்கள் அனுமதிக்கப்பட்டு வருகின்றன. இந்தத் தொடர் வன்முறை காரணமாகக் காசாவில் அமைதி ஏற்படுவதற்கான இரண்டாம் கட்டப் பேச்சுவார்த்தைகள் (Phase Two of Ceasefire) தற்போது கேள்விக்குறியாகியுள்ளன.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!