'ஜனநாயகன்' படத்துக்கு இன்று க்ளைமேக்ஸ்... மறுஆய்வு குழுவினருக்கு ஸ்பெஷல் ஸ்கிரீனிங்!
இன்று தான் ஜனநாயகன் படத்திற்கு நிஜமான க்ளைமேக்ஸ். எச். வினோத் இயக்கத்தில், விஜய் நடித்துள்ள 'ஜனநாயகன்' படம் கடந்த சில வாரங்களாகத் தொடர்ந்து சிக்கல்களில் சிக்கி சின்னாப்பின்னமாகி இருக்கும் நிலையில், தணிக்கைச் சான்றிதழ் பெறுவது தொடர்பாகத் தணிக்கை வாரியத்திற்கும் படக்குழுவிற்கும் இடையே ஏற்பட்ட கருத்து வேறுபாடுகளால், இந்தப் படம் உச்ச நீதிமன்றம் மற்றும் சென்னை உயர் நீதிமன்றம் வரை சென்றது.
இறுதியில் சட்டப் போராட்டங்களைத் தவிர்த்து, சுமூகமான முறையில் தீர்வு காண விரும்பி படக்குழு வழக்குகளைத் திரும்பப் பெற்றது. இதனைத் தொடர்ந்து, படத்தை மறுதணிக்கைக்கு அனுப்பி வைத்த நிலையில், சான்றிதழ் அளிப்பதில் தணிக்கை வாரியம் தொடர்ந்து தாமதம் காட்டி வந்தது.
இந்நிலையில், 'ஜனநாயகன்' திரைப்படத்தை மறு ஆய்வு குழுவினர் இன்று முறைப்படி பார்வையிட உள்ளதாகத் தகவல்கள் வெளியாகியுள்ளன. தணிக்கைச் சான்றிதழ் இன்னும் கிடைக்காத காரணத்தினால், படத்தின் டீசர், டிரெய்லர் மற்றும் வெளியீட்டுத் தேதி ஆகியவற்றை அறிவிக்க முடியாமல் தயாரிப்பு நிறுவனம் தவித்து வருகின்றது.
இன்று நடைபெறும் இந்த ஆய்வு, படத்தின் ரிலீஸிற்கு மிக முக்கியமான ஒன்றாகப் பார்க்கப்படுகிறது. ஒருவேளை இன்று சில காரணங்களால் ஆய்வு நடைபெறாவிட்டால், வரும் மார்ச் 19ம் தேதி கண்டிப்பாகப் படம் பார்க்கப்படும் என்று தணிக்கை வாரிய வட்டாரங்கள் தெரிவிக்கின்றன.
தமிழகத்தில் தற்போது சட்டமன்றத் தேர்தல் களம் சூடுபிடித்துள்ள நிலையில், 'ஜனநாயகன்' என்ற தலைப்பைக் கொண்ட இந்தப் படத்தில் அரசியல் ரீதியான வசனங்கள் அல்லது காட்சிகள் ஏதேனும் இருக்குமோ என்ற கோணத்திலும் தணிக்கை குழுவினர் தீவிரமாகப் பரிசீலித்து வருகின்றனர்.
விஜய்யின் கடைசிப் படம் என்பதால் தமிழகம் முழுவதும் உள்ள ரசிகர்கள் மிகுந்த எதிர்பார்ப்புடன் காத்திருக்கும் நிலையில், இன்று முடிவடையவுள்ள இந்த ஆய்வு படத்திற்குப் பச்சைக்கொடி காட்டுமா என்பது மில்லியன் டாலர் கேள்வியாக உள்ளது. தணிக்கைச் சான்றிதழ் கிடைத்தவுடனேயே பிரம்மாண்டமான முறையில் இசை வெளியீட்டு விழா மற்றும் ரிலீஸ் தேதியை அறிவிக்கப் படக்குழுவினர் திட்டமிட்டுள்ளனர்.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!