தினம் ஒரு திருப்பாவை... பாசுரம் 11!
மார்கழி 11... திருப்பாவை... பாசுரம் 11;
கூட்டுப்பிரார்த்தனையில் தான் முழுமையான பக்தி;
கற்றுக் கறவைக் கணங்கள் பலகறந்து
செற்றார் திறலழியச் சென்று செருகச் செய்யும்
குற்றமொன்றில்லாத கோவலர் தம் பொற்கொடியே
புற்றரவு அல்குல் புனமயிலே போதராய்
சுற்றத்துத் தோழிமார் எல்லாரும் வந்துநின்
முற்றம் புகுந்து முகில்வண்ணன் பேர்பாட
சிற்றாதே பேசாதே செல்வப்பெண்டாட்டி! நீ
எற்றுக்கு உறங்கும் பொருளேலோர் எம்பாவாய்.
பொருள் விளக்கம்...:
கன்றுகளுடன் பசுக்களை மேய்க்கும் கோபாலனாகவும், பகைவர்களை எதிர்த்து நின்று போராடுபவனாகவும் இருக்கும் கண்ணனை தழுவ ஆசை கொண்டவளே என தோழி அழைக்கிறாள். மாசற்ற குணம் கொண்ட அவனின் பெருமையை நினைத்து மனம் உருகுகிறது. அழகும் அமைதியும் நிறைந்த அவளின் தோற்றம் கவிதையாக வர்ணிக்கப்படுகிறது.
நம் சுற்றுப்புறத்தில் இருக்கும் எல்லா தோழிகளும் உன் வீட்டு வாசலில் வந்து கூடிவிட்டார்கள். மேக நிறத்தைக் கொண்ட கண்ணனின் புகழை பாடி மகிழ்கிறார்கள். அவனின் பெருமையும், அவன் தரும் அருளும் அனைவரையும் ஒன்றாக சேர்த்துள்ளது.
இத்தனை அழைப்புகளும், பாடல்களும் கேட்டும் நீ அசையாமல் உறங்கிக்கொண்டிருக்கிறாயே என தோழிகள் கேட்கிறார்கள். பேசாமல், எழாமல் இருக்கும் இந்த உறக்கம் எதற்காக என வியக்கின்றனர். இப்படியான உறக்கத்தால் என்ன பயன் கிடைக்கப்போகிறது என கேள்வியோடு பாடல் முடிகிறது.
நேரம் வேகமாக ஓடிக்கொண்டே இருக்கிறது. ஆனால் தோழி மட்டும் இன்னும் எழுந்து வரவில்லை. சாதாரணமாக இருந்தால் அவளை விட்டுவிட்டு நீராடச் சென்று இருப்போம். ஆனால் பக்தி வழியில் அது சரியான நடை அல்ல என அவர்கள் நினைக்கிறார்கள்.
பிறரை விட்டுவிட்டு, தான் மட்டும் இறைவனை அடைய முயல்வது பலன் தராது. அனைவரும் ஒன்றாக இறைவனை நினைக்க வேண்டும். அவன் புகழைப் பேச வேண்டும். அப்போது தான் அவனருள் கிடைக்கும் என்ற நம்பிக்கை உள்ளது.
அதனால் தான் கூட்டாகச் செய்யும் பிரார்த்தனைக்கு அதிக மதிப்பு உள்ளது. அனைவரும் சேர்ந்து இறைவனை நாடும் போது பக்தி முழுமை அடைகிறது. இதுவே இந்த நிகழ்வு சொல்லும் முக்கியமான பாடமாகும்.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!