”துரந்தர் 2”.ஒவ்வொரு இந்தியனும் பார்க்க வேண்டிய படம்!... ரஜினிகாந்த் பாராட்டு மழை! 

பாலிவுட் இயக்குனர் ஆதித்யா தார் இயக்கத்தில் ரன்வீர் சிங், மாதவன் மற்றும் அக்சய் கண்ணா உள்ளிட்ட நட்சத்திரப் பட்டாளங்கள் நடிப்பில் உருவான 'துரந்தர்' படத்தின் முதல் பாகம் கடந்த டிசம்பரில் வெளியாகி ஆயிரத்து முந்நூற்று ஐம்பது கோடி ரூபாய்க்கும் மேல் வசூலித்து உலக அளவில் சாதனை படைத்தது. அந்த பிரம்மாண்ட வெற்றியைத் தொடர்ந்து, அதன் இரண்டாம் பாகமான 'துரந்தர் தி ரிவெஞ்ச்' திரைப்படம் கடந்த பத்தொன்பதாம் தேதி திரையரங்குகளில் வெளியானது. வெளியான நான்கு நாட்களிலேயே எழுநூற்று அறுபத்தியோரு கோடி ரூபாய் வசூலை ஈட்டி, இந்தியத் திரையுலகையே வியப்பில் ஆழ்த்தியுள்ளது. இந்தப் படத்தின் விறுவிறுப்பான திரைக்கதை மற்றும் அதிரடி காட்சிகள் ரசிகர்களிடையே அமோக வரவேற்பைப் பெற்று வருகின்றன.

தலைவரின் பாராட்டைக் கண்டு நெகிழ்ந்து போன இயக்குனர் ஆதித்யா தார், அதற்கு உருக்கமான பதிலைப் பதிவிட்டுள்ளார். "சார், உங்களிடமிருந்துதான் பொழுதுபோக்கு என்றால் என்ன என்பதைக் கற்றுக்கொண்டு நாங்கள் வளர்ந்தோம். பல தசாப்தங்களாக உங்களின் ஸ்டைல் மற்றும் வசீகரத்தைக் கண்டு விசிலடித்தும் அழுதும் வளர்ந்த எங்களுக்கு, நீங்கள் இப்படத்தைப் பார்க்கச் சொன்னது என் வாழ்வின் மிகப்பெரிய சூப்பர் ஸ்டார் தருணம். பெரிய கனவுகளைக் காணக் கற்றுக்கொடுத்தவரின் ஆசிர்வாதம் இது" என அவர் பதிவிட்டுள்ளார். ஒரு பக்கம் வசூல் மழை, மறுபக்கம் உச்ச நட்சத்திரத்தின் பாராட்டு என 'துரந்தர் 2' திரைப்படம் தற்போது இந்தியத் திரையுலகின் ஹாட் டாப்பிக்காக வலம் வருகிறது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!