புதுச்சேரி மாநிலம் கோரிமேடு பகுதியில் நேற்று மதியம் கடும் போக்குவரத்து நெரிசல் நிலவிய நிலையில், மத்திய அமைச்சரின் கார் அந்த நெரிசலில் சிக்கித் தவித்தது. பாஜகவின் புதிய தேசிய செயல் தலைவராக நியமிக்கப்பட்டுள்ள நிதின் நபின், முதன்முறையாக சனிக்கிழமை புதுச்சேரிக்கு வருகை தந்தார். அவருக்கு மாநில பாஜக சார்பில் பிரம்மாண்டமான வரவேற்பு அளிக்கப்பட்டது. இதற்காகத் திரண்டிருந்த ஏராளமான தொண்டர்கள் மற்றும் வாகனங்கள் காரணமாக, கோரிமேடு மற்றும் அதனைச் சுற்றியுள்ள சாலைகளில் போக்குவரத்து முற்றிலுமாக முடங்கியது.

இந்த வரவேற்பு நிகழ்ச்சியில் பங்கேற்பதற்காக மத்திய தொழிலாளர் நலன் மற்றும் வேலைவாய்ப்புத் துறை அமைச்சர் மன்சுக் மாண்டவியாவும் வந்திருந்தார். அவர் வந்த கார் இந்த நெரிசலில் சிக்கிக்கொண்டது. நீண்ட நேரமாகியும் கார் நகர முடியாத சூழல் ஏற்பட்டதால், அமைச்சர் தனது காரில் இருந்து இறங்கி நடக்கத் தொடங்கினார். தனது கார் எங்கே இருக்கிறது, எப்போது வரும் என்பதைக் கூடப் பொருட்படுத்தாமல், அவர் சுறுசுறுப்பாகச் சாலையில் நடக்கத் தொடங்கியதைக் கண்ட அங்கிருந்த பொதுமக்கள் மற்றும் கட்சி நிர்வாகிகள் வியப்படைந்தனர்.

சுமார் அரை கிலோமீட்டர் தூரம் வரை அவர் மக்கள் கூட்டத்திற்கு இடையே இயல்பாக நடந்து சென்றார். அதன் பிறகு, நெரிசலில் இருந்து மீண்டு வந்த அமைச்சரின் கார் அவரை வந்தடைந்தது. இதையடுத்து அவர் காரில் ஏறித் தனது பயணத்தைத் தொடர்ந்தார். ஒரு மத்திய அமைச்சர் எவ்விதப் பாதுகாப்பு ஆடம்பரமும் இன்றி, போக்குவரத்து நெரிசலைக் காரணம் காட்டி சாலையில் நடந்தே சென்ற சம்பவம் புதுச்சேரி அரசியல் வட்டாரத்தில் நெகிழ்ச்சியை ஏற்படுத்தியுள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!