நடுவழியில் நிறுத்தப்பட்ட குருவாயூர் எக்ஸ்பிரஸ்...  இன்ஜினில் திடீர் கோளாறு ! 

சென்னையில் இருந்து குருவாயூர் நோக்கிச் சென்று கொண்டிருந்த குருவாயூர் எக்ஸ்பிரஸ் ரயில், இன்று காலை திடீர் தொழில்நுட்பக் கோளாறு காரணமாக நடுவழியில் நிறுத்தப்பட்ட சம்பவம் பயணிகளிடையே பெரும் பதற்றத்தை ஏற்படுத்தியுள்ளது. ரயிலின் இன்ஜினில் ஏற்பட்ட எதிர்பாராத பழுதே இந்த நிறுத்தத்திற்குக் காரணம் எனத் தெரிவிக்கப்பட்டுள்ளது. ரயில்வே தண்டவாளத்தின் நடுவே ரயில் நின்றதால், பின்னால் வந்த மற்ற ரயில்களின் போக்குவரத்திலும் சிறிது நேரம் பாதிப்பு ஏற்பட்டது.

ரயில் நிறுத்தப்பட்ட பகுதிகளில் மர நிழலோ அல்லது குடிநீர் வசதியோ இல்லாததால், கைக்குழந்தைகளுடன் பயணம் செய்தவர்களும், முதியவர்களும் கடும் வெயிலில் தவித்தனர். சுமார் ஒரு மணி நேரத்திற்கும் மேலாக ரயில் அதே இடத்தில் நின்றதால், பயணிகள் ரயிலை விட்டு இறங்கித் தண்டவாள ஓரத்தில் காத்திருக்கும் நிலை ஏற்பட்டது. தகவல் அறிந்து விரைந்து வந்த ரயில்வே தொழில்நுட்ப வல்லுநர்கள், இன்ஜினில் ஏற்பட்ட கோளாறைச் சரிசெய்யும் பணியில் தீவிரமாக ஈடுபட்டனர்.

மாற்று இன்ஜின் வரவழைக்கப்பட்டு, நீண்ட போராட்டத்திற்குப் பிறகு ரயில் மீண்டும் தனது பயணத்தைத் தொடர்ந்தது. இதனால் குருவாயூர் எக்ஸ்பிரஸ் சுமார் 2 மணி நேரம் தாமதமாகச் சென்றது. தொழில்நுட்பக் கோளாறுக்கான சரியான காரணம் குறித்து ரயில்வே அதிகாரிகள் விசாரணை நடத்தி வருகின்றனர். கோடைக்காலம் என்பதால் ரயில்களில் போதிய பராமரிப்புப் பணிகளைச் செய்ய வேண்டும் எனப் பயணிகள் கோரிக்கை விடுத்துள்ளனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!