நாளை புதுச்சேரி தவெக வேட்பாளர் பட்டியல் வெளியீடு!
தமிழகத்தைப் போலவே புதுச்சேரி யூனியன் பிரதேசத்திலும் தேர்தல் களம் தற்போதே அனல் பறக்கத் தொடங்கியுள்ளது. 30 தொகுதிகளைக் கொண்ட புதுச்சேரியில் வரும் ஏப்ரல் மாதம் 9-ஆம் தேதி சட்டமன்றத் தேர்தல் நடைபெறவுள்ள நிலையில், அங்குள்ள அனைத்துத் தொகுதிகளிலும் விஜய்யின் 'தமிழக வெற்றிக் கழகம்' தனித்துப் போட்டியிடுகிறது. இதற்காக கடந்த 16-ஆம் தேதி முதல் தீவிர வேட்பாளர் நேர்காணல்கள் நடைபெற்று வந்த நிலையில், தற்போது வேட்பாளர்கள் தேர்வு இறுதி செய்யப்பட்டுள்ளது. ஒட்டுமொத்த புதுச்சேரி அரசியலும் ஆவலுடன் எதிர்பார்த்துக்கொண்டிருக்கும் தவெக-வின் வேட்பாளர் பட்டியலை அக்கட்சியின் தலைவர் விஜய் நாளை அதிகாரப்பூர்வமாக அறிவிக்க உள்ளார்.
புதுச்சேரியில் முதல்முறையாகத் தேர்தல் களத்தில் குதிக்கும் தவெக, 'விசில்' சின்னத்தில் போட்டியிடவுள்ளது. நாளை வெளியாகும் இந்தப் பட்டியலில் புதிய முகங்கள் மற்றும் இளைஞர்களுக்கு அதிக முன்னுரிமை அளிக்கப்பட்டுள்ளதாகத் தகவல் வெளியாகியுள்ளது. வேட்புமனுத் தாக்கல் செய்வதற்கு மார்ச் 23-ஆம் தேதியே கடைசி நாள் என்பதால், நாளை பட்டியல் வெளியான உடனேயே வேட்பாளர்கள் அனைவரும் அந்தந்தப் பகுதிகளில் தங்களின் தேர்தல் பணிகளைத் தீவிரப்படுத்த உள்ளனர். விஜய்யின் இந்த நேரடி அரசியல் வருகை, புதுச்சேரியில் ஏற்கனவே கோலோச்சி வரும் பாரம்பரியக் கட்சிகளுக்கு ஒரு மிகப்பெரிய சவாலாகப் பார்க்கப்படுகிறது.
தமிழகத்தில் விருப்ப மனுத் தாக்கல் விறுவிறுப்பாக நடந்து வரும் வேளையில், புதுச்சேரிக்கான வேட்பாளர்களை முன்கூட்டியே அறிவித்து விஜய் அதிரடி காட்டியுள்ளார். "மாற்றத்தை நோக்கிய பயணம்" என்ற முழக்கத்துடன் புதுச்சேரி மக்களைச் சந்திக்கத் தயாராகி வரும் தவெக-வினர், புதுவை மாநில அரசியலில் ஒரு புதிய வரலாற்றைப் படைக்கத் துடிக்கின்றனர். நாளை வெளியாகும் வேட்பாளர் பட்டியலில் இடம்பெறப்போகும் அந்த 'லக்கி' நபர்கள் யார் என்பது இன்னும் சில மணி நேரங்களில் தெரிந்துவிடும் என்பதால், புதுவை முழுவதும் தவெக தொண்டர்கள் மிகுந்த உற்சாகத்துடன் காத்திருக்கின்றனர்.
ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!
வீடியோ! 5 அடி முதலையை விழுங்கும் மலைப்பாம்பு!!
வீடியோ! ராஜநாகத்துடன் ஆக்ரோஷமாக சண்டையிடும் கோழி!!