தமிழகத்தின் கடன் சுமை வரும் 2027 மார்ச் மாதத்தில் ரூ.10.71 லட்சம் கோடியாக உயரும் என்ற பட்ஜெட் அறிவிப்பைத் தொடர்ந்து, பாஜக தரப்பிலிருந்து எதிர்ப்பு கிளம்பியுள்ளது.

வானதி சீனிவாசன் தனது அறிக்கையில் பட்ஜெட் தரவுகளைச் சுட்டிக்காட்டி சில முக்கியக் கேள்விகளை எழுப்பியுள்ளார். வரும் 2026-27 நிதியாண்டில் மட்டும் திமுக அரசு ரூ.1.78 லட்சம் கோடி கடன் வாங்கத் திட்டமிட்டுள்ளது. "இதுவே திமுக அரசு தாக்கல் செய்யும் கடைசி பட்ஜெட்டாக இருக்கும்" என்று விமர்சித்துள்ள அவர், கடந்த 5 ஆண்டுகளில் அரசு வெற்று விளம்பரங்களுக்கே அதிக முக்கியத்துவம் கொடுத்ததாகக் குற்றம் சாட்டியுள்ளார்.

அரசு வாங்கியுள்ள லட்சக்கணக்கான கோடி ரூபாய் கடன் எதற்காகச் செலவிடப்பட்டது என்பது குறித்துத் தெளிவான வெள்ளை அறிக்கை வெளியிட வேண்டும் என அவர் வலியுறுத்தியுள்ளார். "இவ்வளவு பெரிய தொகையைக் கடனாகப் பெற்று, அந்தப் பணம் எந்தெந்தத் திட்டங்களுக்கு, எப்படிச் செலவு செய்யப்பட்டது என்பதை மக்கள் அறிய வேண்டும்" என்று அவர் கூறியுள்ளார். திமுக அரசின் நிதி மேலாண்மைத் திறன் அப்பட்டமாகத் தோற்றுப்போய்விட்டதை இந்த பட்ஜெட் காட்டுவதாக அவர் சாடியுள்ளார்.

இடைக்கால பட்ஜெட்டில் ஒரு சுவாரஸ்யமான செய்தியையும் வானதி சீனிவாசன் சுட்டிக்காட்டியுள்ளார்: அமெரிக்கா மற்றும் ஐரோப்பிய ஒன்றியத்துடன் மத்திய பாஜக அரசு மேற்கொண்ட வர்த்தக ஒப்பந்தங்களால், தமிழகத்தின் வரி வருவாய் அதிகரிக்கும் என்று திமுக அரசே பட்ஜெட்டில் ஒப்புக்கொண்டுள்ளதை அவர் வரவேற்றுள்ளார்.

இதன் மூலம் மத்திய அரசின் பொருளாதாரக் கொள்கைகள் மாநிலங்களின் வளர்ச்சிக்கு எவ்வாறு உதவுகின்றன என்பது உறுதியாகியுள்ளதாக அவர் கூறினார். வழக்கம் போலவே இந்த பட்ஜெட்டில் நிதிப் பற்றாக்குறையைச் சமாளிக்கத் தொலைநோக்குத் திட்டங்கள் எதுவும் இல்லை என்றும், வெறும் வார்த்தை ஜாலங்களால் மக்களை ஏமாற்ற திமுக அரசு முயல்வதாகவும் அவர் தனது அறிக்கையில் பதிவு செய்துள்ளார்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!