தமிழ்நாடு முதலமைச்சரும், தி.மு.க. தலைவருமான திரு. மு.க. ஸ்டாலின் அவர்கள், தமிழ்நாட்டின் கோரிக்கைகளைப் புறக்கணிக்கும் மத்திய பா.ஜ.க. அரசைக் கடுமையாகச் சாடி, தனது 'எக்ஸ்' (X) சமூக வலைதளப் பக்கத்தில் இன்று (நவம்பர் 29) அனல் பறக்கும் அறிக்கையை வெளியிட்டுள்ளார். மாநிலத்தின் உரிமைகளை விட்டுக்கொடுக்கப் போவதில்லை என்று அவர் அழுத்தமாகத் தெரிவித்துள்ளார்.

முதலமைச்சர் மு.க. ஸ்டாலின் அவர்கள் தனது பதிவில், "மிகப்பெரிய ஜனநாயக நாடு என்று பெருமையாகச் சொல்லிக்கொண்டே, தமிழ்நாட்டு மக்களின் குரலை ஒன்றிய பா.ஜ.க. அரசு புறக்கணிப்பது சரியா? தமிழ்நாட்டின் கோரிக்கைகள் மற்றும் தேவைகளைக் கடிதங்களாக, நேரில் மனுக்களாக, சட்டமன்றத் தீர்மானங்களாக எடுத்துச் சொல்லியும் மத்திய அரசு காதில் வாங்காமல் இருப்பது நியாயமல்ல" என்று கேள்வி எழுப்பியுள்ளார்.

தமிழ்நாடு இந்தியாவிலேயே அதிக அளவிலான வரி வருவாயைத் திரட்டித் தரும் முக்கிய மாநிலங்களில் ஒன்றாக உள்ளது. இத்தகைய மாநிலத்திற்குக் கூடுதல் நிதி ஒதுக்கீடு மற்றும் திட்டங்களை வழங்காமல் வஞ்சனை செய்வதை மனசாட்சி உள்ள யாரும் ஏற்றுக்கொள்ள மாட்டார்கள் என்றும் அவர் சுட்டிக்காட்டியுள்ளார்.

"உங்கள் வஞ்சனைகளைக் கடந்துதான் நாட்டிலேயே அதிகமான 11.19% பொருளாதார வளர்ச்சியை தமிழ்நாடு அடைந்திருக்கிறது" என்று குறிப்பிட்டு, மத்திய அரசின் புறக்கணிப்பையும் மீறி மாநிலம் வளர்ச்சி அடைந்து வருவதை அழுத்தமாகப் பதிவு செய்துள்ளார்.

மேலும், தமிழ்நாட்டின் உரிமைகளுக்காகத் தொடர்ந்து போராடப் போவதைத் தெரிவிக்கும் வகையில், முதல்வர் ஸ்டாலின் அவர்கள், "குட்ட குட்ட குனிய மாட்டோம்; நிமிர்ந்து நடைபோடுவோம்!" என்று சவால் விடுத்துள்ளார்.

"வருகின்ற நாடாளுமன்றக் கூட்டத்தொடரில், தமிழ்நாட்டு மக்களின் பிரதிநிதிகளிடம் ஒன்றிய பா.ஜ.க. அரசு பதில் சொல்லியே ஆகவேண்டும்" என்று கூறி, மாநில உரிமைகளுக்கான போராட்டம் நாடாளுமன்றத்திலும் எதிரொலிக்கும் என்பதை உறுதிப்படுத்தியுள்ளார்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!