சுமார் 38 நாட்களுக்குப் பிறகு பொதுவெளியில் தோன்றிய விஜய், தனது உரையின் மூலம் கட்சியின் எதிர்கால அரசியல் நகர்வு மற்றும் கொள்கை உறுதியைத் தெளிவுபடுத்தியுள்ளார். விஜய் தனது உரையில் வீரமங்கை வேலுநாச்சியாரின் வாழ்க்கை வரலாற்றை ஒரு உதாரண மாகக் கையாண்டார்.

 நாடு இழந்த நிலையில் காடு மலைகளில் வேலுநாச்சியார் மறைந்து வாழ்ந்ததை, தனது கட்சியின் ஆரம்பக்கட்ட அமைதி மற்றும் திட்டமிடல் காலத்தோடு ஒப்பிட்டார். மருது சகோதரர்கள் மற்றும் சையது கார்க்கி ஆகியோரது துணையுடன் வேலுநாச்சியார் இழந்த நாட்டை மீட்டது போல, தவெக படை தமிழகத்தை மீட்டெடுக்கும் என முழங்கினார்.

"நல்ல தலைமை மற்றும் தொண்டர்களின் சக்தி இருக்கும்போது எதையும் சாதிக்க முடியும். கூட்டணி இருந்தாலும் இல்லாவிட்டாலும் தவெக தனி ஆளாக நின்று வெற்றி பெறும்," எனத் தெரிவித்தார். இது 2026 தேர்தலுக்கான தவெக-வின் முக்கிய நிலைப்பாடாகப் பார்க்கப்படுகிறது. கட்சியில் பெண்களின் பங்களிப்பை வெகுவாகப் பாராட்டிய அவர், "தவெக-வின் பெண் சிங்கங்களைக் கண்டு அரசியல் அரங்கமே அதிர்ந்து போயுள்ளது" என்றார்.

அன்று வேலுநாச்சியார் எதிர்த்த சக்திகளைப் போல, இன்றும் சில அரசியல் படைகள் தவெக-விற்கு முட்டுக்கட்டை போட முயல்வதாக மறைமுகமாகச் சாடினார்.

கடந்த சில வாரங்களாகத் தவெக மற்றும் சில முக்கியக் கட்சிகளிடையே கூட்டணி பேச்சுவார்த்தை நடப்பதாகச் செய்திகள் வெளியாகி வந்தன. அதற்கு முற்றுப்புள்ளி வைக்கும் விதமாக விஜய்யின் இந்த "தனி ஆளாக ஜெயிக்கும் படை" என்ற பேச்சு அமைந்துள்ளது. விஜய் தனது உரையில் "நாட்டை மீட்டெடுப்பது" எனக் குறிப்பிடுவது, வரும் 2026 சட்டமன்றத் தேர்தலை நோக்கியே உள்ளது. தவெக ஏற்கனவே மாநிலம் முழுவதும் பூத் கமிட்டிகளை அமைக்கும் பணியைத் தீவிரப்படுத்தியுள்ளது.

விஜய்யின் வேலுநாச்சியார் குறித்த உரை வெளியான சில நிமிடங்களிலேயே #TVKMahabalipuramMeet மற்றும் #ThalapathyVijay போன்ற ஹேஷ்டேக்குகள் சமூக வலைதளங்களில் ட்ரெண்டாகி வருகின்றன.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!