நீதிமன்றக் கட்டிடத்தில் கைக்குழந்தையுடன் குதிக்க முயன்ற பெண்... பரபரப்பு வீடியோ!

லக்னோ உயர் நீதிமன்ற வளாகத்தில் நேற்று (ஞாயிற்றுக்கிழமை) காலை அரங்கேறிய தற்கொலை முயற்சி சம்பவம் பெரும் பரபரப்பை ஏற்படுத்தியது. தனது கைக்குழந்தையுடன் நீதிமன்றக் கட்டிடத்தின் ஐந்தாவது மாடி கூரையின் மீது ஏறிய பெண் ஒருவர், அங்கிருந்து குதிக்கப் போவதாக மிரட்டல் விடுத்தார். இதைக் கண்டு அதிர்ச்சியடைந்த வழக்கறிஞர்களும் பொதுமக்களும் உறைந்து போயினர்.

அந்த இக்கட்டான சூழலில், காவல் ஆய்வாளர் பாண்டே ஜி மிகவும் சாதுர்யமாகச் செயல்பட்டார். அந்தப் பெண்ணிடம் தொடர்ந்து பேசி அவரது கவனத்தைத் திசைதிருப்பிய ஆய்வாளர், சரியான தருணம் பார்த்துக் கண்ணிமைக்கும் நேரத்தில் அவரை நெருங்கிப் பிடித்தார். பின்னர் தாயையும் குழந்தையையும் பாதுகாப்பாகக் கீழே இறக்கினார்.

நீண்ட நேரப் போராட்டத்திற்குப் பிறகு தாய் மற்றும் குழந்தை எவ்வித காயமுமின்றி மீட்கப்பட்டதால், நீதிமன்ற வளாகத்தில் நிலவிய பதற்றம் தணிந்தது. துரிதமாகவும் சாமர்த்தியமாகவும் செயல்பட்டு இரு உயிர்களைக் காப்பாற்றிய ஆய்வாளர் பாண்டே ஜி-க்கு அங்கிருந்தவர்கள் கைதட்டிப் பாராட்டு தெரிவித்தனர். குடும்பத் தகராறு காரணமாக அந்தப் பெண் இந்த விபரீத முடிவை எடுத்தாரா என்பது குறித்து காவல்துறையினர் விசாரணை நடத்தி வருகின்றனர்.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ!  5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!