விமானங்களை போல் அரசு பேருந்துகளில் பணிப்பெண்கள்.. மாநில அரசு அசத்தல் அறிவிப்பு!

விமானங்களில் பயணிகளை கவனிக்க பணிப்பெண்கள் உள்ளனர். தேசிய, சர்வதேச, வணிகம் மற்றும் இராணுவ விமானங்களில் பயணிகளின் பாதுகாப்பையும் வசதியையும் உறுதி செய்வதே அவர்களின் பணி. விமான விதிகளை பயணிகளுக்கு விளக்க வேண்டும். விமானம், இருக்கைகள் மற்றும் உணவு ஆகியவற்றின் தூய்மையையும் சரிபார்க்க வேண்டும்.

பயணிகளை வரவேற்று அவர்களின் இருக்கைகளுக்கு அனுப்ப வேண்டும். மேலும் அனைவரும் சீட் பெல்ட் அணிந்துள்ளார்களா என சரிபார்க்கவும். பயணிகளுக்கு உணவு, மருத்துவ பராமரிப்பு மற்றும் மருத்துவ ஆலோசனை வழங்குதல் ஆகியவை இதில் அடங்கும். அதற்கு 2 வருட படிப்பு தேவை. ஹேர் ஹோஸ்டஸ்களுக்கான வயது வரம்பு 18 முதல் 26 வயது வரை. விமான நிறுவனங்களைப் பொறுத்து மாதம் ரூ.1 லட்சம் வரை சம்பளம் பெறுகிறார்கள். அரசுப் பேருந்துகளிலும் இதுபோன்ற விமானப் பணிப்பெண்களை நியமிக்க மகாராஷ்டிர அரசு முடிவு செய்துள்ளது.

அதாவது, மாநிலத்தின் முக்கிய நகரங்களில் இயக்கப்படும் செவ்னேரி மின்சார சொகுசு பேருந்துகளில் மட்டும் பணிப்பெண்களை நியமிக்க மகாராஷ்டிரா அரசு முடிவு செய்துள்ளது. முதற்கட்டமாக மும்பை-புனே வழித்தடத்தில் இயங்கும் பேருந்துகளில் சிவ்னெரி சுந்தரி என்ற பணிப்பெண்கள் நியமிக்கப்பட்டுள்ளனர்.

அவர்கள் பேருந்துகளில் ஏறும்போது பயணிகளை வரவேற்கவும், ஏறுவதற்கும் இறங்குவதற்கும் பயணிகளுக்கு உதவவும் நியமிக்கப்பட்டுள்ளனர். மும்பை மற்றும் புனே செல்லும் பாதை 200 கி.மீ. நீளமானது. இதற்கு காங்கிரஸ் கடும் கண்டனம் தெரிவித்துள்ளது. மகாராஷ்டிராவில் இயக்கப்படும் அரசுப் பேருந்துகளின் உள்கட்டமைப்பு வசதிகள் சரியில்லை, பேருந்து நிலையங்களில் பெண்களுக்கான கழிவறை வசதிகளும் சுத்தமாக இல்லை. இதுபோன்ற பிரச்னைகளை சரி செய்யாமல், சிவ்னெரி சுந்தரிகளை அரசு நியமிப்பது வேடிக்கையாக உள்ளது.

அதேபோல், மகாராஷ்டிர மாநில போக்குவரத்து கழக ஊழியர்களும் வேலையின்றி உள்ளனர். அவர்களுக்கு உரிய ஊதியம், போனஸ் வழங்கப்படுவதில்லை. இந்த பணிப்பெண்களின் பணி நியமத்துக்கு போக்குவரத்து தொழிலாளர்களும் எதிர்ப்பு தெரிவித்துள்ளனர். இவ்வாறு காங்கிரஸ் கூறியுள்ளது.

அக்டோபரில் பிறந்தவங்க அதிர்ஷ்டசாலிகள்... இது எல்லாமே அவங்களோட இயல்புகளா இருக்கும்!

செல்வம் நிலைத்திருக்க புரட்டாசி சனிக்கிழமை வழிபாடு, பலன்கள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

நவராத்திரி... வீட்டிற்கு வரும் சுமங்கலி பெண்களுக்கு இதை கொடுத்தால் செல்வம் சேரும்!