அம்..மாடியோவ்... ஒரே நாளில் ரூ21 கோடிக்கு ஆடுகள் விற்பனை...

நாளை மறுநாள் தீபாவளி பண்டிகை இந்தியா முழுவதும் கோலாகலமாக கொண்டாடப்பட உள்ளது. இதனையடுத்து  புத்தாடைகள், பட்டாசுகள் ஷாப்பிங் ஜரூராக நடைபெற்று வருகிறது.   இதனால் பெரும்பாலான கடைவீதிகள் மற்றும் சந்தைகளில் மக்கள் கூட்டம் அதிகரித்து காணப்படுகிறது.
தீபாவளி பண்டிகையின் போது அதிகாலையில் அசைவ உணவுகள் சமைப்பது வழக்கமாக  இருந்து வருகிறது. இதற்காக இறைச்சி விற்பனை களைகட்டும் என்பதால் தீபாவளி பண்டிகைக்கு தேவையான ஆடுகள், மாடுகள், கோழிகள்  விற்பனைஉம் களைகட்டியுள்ளது. இதற்கான சந்தைகளில் போட்டா போட்டி நிலவுகிறது.   அந்த வகையில் இன்று  கிருஷ்ணகிரி மாவட்டம் குந்தாரப்பள்ளி வாரச்சந்தையில்   ஆடு, மாடு, கோழி சந்தை நடைபெற்றது.

கிருஷ்ணகிரி மாவட்டத்தின் பல்வேறு பகுதிகளில் இருந்தும் கால்நடைகள் அழைத்து வரப்பட்டன.  திருவண்ணாமலை, சேலம், திருச்சி, கர்நாடகா, ஆந்திரா பகுதிகளில் இருந்து ஆயிரக்கணக்கான விவசாயிகள் கால்நடைகளுடன் வந்து குவிந்திருந்தனர்.  செம்மறியாடு, வெள்ளாடு, மரிக்கை என பல்வேறு விதங்களை சேர்ந்த சுமார் 10000க்கும்  மேற்பட்ட ஆடுகள் விற்பனைக்காக அழைத்து வரப்பட்டிருந்தது.

 
காலை 6 மணிக்கு தொடங்கிய இந்த வார சந்தையில் தற்போது விற்பனை மும்முரமாக நடைபெற்று வருகிறது. சென்னை, வேலூர், மதுரை, கோவை, சேலம், திருச்சி, ஈரோடு, கடலூர் ஆகிய மாவட்டங்களில் இருந்தும் அண்டை மாநிலங்களான கர்நாடகா, ஆந்திரா உள்ளிட்ட பகுதிகளில் இருந்தும் ஏராளமான வியாபாரிகள் மற்றும் விவசாயிகள் குவிந்துள்ளதால் குந்தாரப்பள்ளி சந்தை களைகட்டி உள்ளது.

கிடா ஆடு அதிகபட்சமாக 10000  முதல் 15 ஆயிரம் ரூபாய் வரையிலும், பெண் ஆடுகள் 5 ஆயிரம் முதல் 7 ஆயிரம் ரூபாய் வரையிலும் விற்பனை செய்யப்படுகிறது. இதனால் ஆடு வளர்க்கும் வியாபாரிகள் மகிழ்ச்சி அடைந்துள்ளனர். 
குந்தாரப்பள்ளி சந்தையில் தீபாவளியை முன்னிட்டு 7 கோடி ரூபாய்க்கு ஆடுகள் விற்பனை நடைபெற்றுள்ளதாக சந்தை நிர்வாகிகள் தெரிவித்துள்ளனர். இதேபோல் விழுப்புரம் மாவட்டம், செஞ்சியில் நடந்த ஆட்டுச் சந்தையில் 6 கோடி ரூபாய்க்கு ஆடுகள் விற்பனையானது.

கடலூர் மாவட்டம், வேப்பூர் ஆட்டுச் சந்தையில் 6 கோடி ரூபாய்க்கும் மேல் ஆடுகள் விற்பனை நடைபெற்றுள்ளது. இதன் மூலம் தமிழ்நாடு முழுவதும் உள்ள சந்தைகளில் சுமார் 21 கோடி ரூபாய்க்கும் மேல் ஆடுகள் விற்பனையானதாக வியாபாரிகள் தெரிவித்துள்ளனர்.

ஐப்பசி மாத புனித நீராடலின் மகத்துவம்.. மிஸ் பண்ணீடாதீங்க!!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

கிடுகிடுவென உடல் எடை குறைய தினம் இந்த பழம் சாப்பிட்டு பாருங்க...!!

ஐஸ்வர்யங்களை அள்ளித் தரும் ஐப்பசி மாத பண்டிகைகள், சிறப்புக்கள்!!