12ம் வகுப்பு மாணவனுடன் 27 வயது இளம்பெண் ஓட்டம்!

பிளஸ் 2 படித்து வந்த மாணவனுடன் 27 வயது இளம்பெண் சனுஷா வீட்டை விட்டு வெளியேறி மாயமானது கேரள மாநிலம் ஆலப்புழை மாவட்டத்தில் பரபரப்பை ஏற்படுத்தியுள்ளது. 

கேரள மாநிலம் ஆலப்புழை மாவட்டம் சேர்த்தலா பகுதியைச் சேர்ந்த 17 வயதுடைய பிளஸ்-2 படித்து வந்த மாணவன் கடந்த சில நாட்களுக்கு முன்பு திடீரென மாயமானான். இது குறித்து மாணவனின் பெற்றோர் காவல் நிலையத்தில் புகாரளித்தனர். இந்நிலையில் சேர்த்தலா பள்ளிபுரம் பகுதியை சேர்ந்த சனுஷா (27) என்ற இளம்பெண்ணும் மாயமானார்.

சனுஷா காணாமல் போனது குறித்து அவரது குடும்பத்தினரும் காவல் நிலையத்தில் புகார் செய்தனர். இருவரும் மாயமானது தொடர்பாக சேர்த்தலா போலீசார் வழக்குப்பதிவு செய்து விசாரணை நடத்தி வந்தனர். போலீசாரின் விசாரணையில் இளம்பெண் சனுஷா, மாணவனை அழைத்துக் கொண்டு வீட்டைவிட்டு வெளியேறியது தெரிய வந்தது. இதையடுத்து அவர்கள் இருவரும் எங்கு இருக்கிறார்கள் என்பது குறித்து போலீசார் விசாரணை நடத்தி வந்தனர். இருவருமே சமயோசிதமாக தங்களது செல்போன்களைப் பயன்படுத்துவதை தவிர்த்ததால் எங்கு இருக்கிறார்கள் என்று கண்டுபிடிப்பதில் சிரமம் ஏற்பட்டது. ஆனாலும் போலீசார் தீவிரமாக தேடி வந்தனர்.

போலீசார் சனுஷா மற்றும் மாணவனின் செல்போன் எண்களைத் தொடர்ந்து கண்காணித்து வந்தனர். அப்போது சனுஷா தனது உறவினர் ஒருவருக்கு வாட்ஸ் அப்பில் தகவல் ஒன்றை அனுப்பினார். இதனையறிந்த போலீசார் அந்த தகவல் மூலம் விசாரணை நடத்தியதில், இருவருமே கர்நாடகா மாநிலம் கொல்லூரில் இருப்பது தெரிய வந்தது. இதையடுத்து தனிப்படை போலீசார் கொல்லூருக்கு சென்று இளம்பெண் மற்றும் மாணவரை கண்டு பிடித்தனர்.

அதன் பின்னர் இருவரையும் சேர்த்தலாவுக்கு அழைத்து சென்று விசாரணை நடத்தினர். போலீசாரின் விசாரணையில் இளம்பெண் சனுஷாவுக்கு பள்ளி மாணவருடன் பழக்கம் இருந்துள்ளது. இதையடுத்து கடந்த சில நாட்களுக்கு முன்பு மாணவரை அழைத்துக்கொண்டு வீட்டைவிட்டு வெளியேறி கொல்லூருக்கு சென்றது தெரியவந்தது. மாணவனை கடத்தி சென்ற சனுஷா மீது போக்சோ சட்டத்தின் கீழ் போலீசார் வழக்குப்பதிவு செய்து அவரை கைது செய்து நீதிமன்றத்தில் ஆஜர்படுத்தி சிறையில் அடைத்தனர்.  இளம்பெண்ணிடம் இருந்து மீட்கப்பட்ட மாணவனுக்கு போலீசார் அறிவுரை கூறி பெற்றோருடன் அனுப்பி வைத்தனர். இந்த சம்பவம் அப்பகுதியில் பரபரப்பை ஏற்படுத்தி உள்ளது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?