ஐ.டி ரெய்டில் சிக்கிய 3 முதலைகள்.. கோடிக்கணக்கில் அமுக்கிய முன்னாள் பாஜக எம்.எல்.ஏ.. ஷாக்கான அதிகாரிகள்!
மத்தியப் பிரதேசத்தைச் சேர்ந்தவர் ஹர்வன்ஷ் சிங் ரத்தோர். இவர் முன்னாள் பாஜக எம்.எல்.ஏ., சாகரில் வசிக்கிறார். முன்னாள் கவுன்சிலர் ராஜேஷ் கேஷர்வானி அதே சாகரில் வசிக்கிறார். இருவரும் கோடிக்கணக்கில் வரி ஏய்ப்பு செய்ததாக புகார்கள் வந்ததை அடுத்து வருமான வரித்துறை சோதனை நடத்தியது. இந்த சோதனையில் ரூ.155 கோடி வரி ஏய்ப்பு நடந்திருப்பது தெரியவந்துள்ளது. மேலும், ரூ.3 கோடி ரொக்கம் மற்றும் கோடிக்கணக்கான மதிப்புள்ள தங்கம் மற்றும் வெள்ளி நகைகள் பறிமுதல் செய்யப்பட்டன.
सागर - बीजेपी के पूर्व विधायक हरवंश सिंह राठौर के घर 2 दिनों तक चली आईटी की रेड में बड़ा खुलासा, छापे में 14 किलो सोना और लगभग 4 करोड़ की नकदी बरामद, बंगले के अंदर मिले 3 मगरमच्छ, वायरल हुआ VIDEO #Sagar #BJP #HarvanshSinghRathore #Crocodiles #ITRaid @incometax_mpcg… pic.twitter.com/ewT48viAqO
— Peoples Samachar (@psamachar1) January 9, 2025
ஹர்வன்ஷுடன் பீடி தொழிலில் ஈடுபட்ட ராஜேஷ் மட்டும் ரூ.140 கோடி வரி ஏய்ப்பு செய்துள்ளதாகவும், அது தொடர்பான ஆவணங்கள் சோதனையின் போது கண்டுபிடிக்கப்பட்டதாகவும் வட்டாரங்கள் தெரிவித்தன. ராஜேஷ் அல்லது அவரது குடும்பத்தினரின் பெயரில் பதிவு செய்யப்படாத கார்கள் இருப்பதும் தெரியவந்தது. கார்கள் ஒரு பினாமியின் பெயரில் வாங்கப்பட்டிருக்கலாம் என்ற அடிப்படையில், போக்குவரத்துத் துறையிடம் கார்கள் தொடர்பான தகவல்களை வருமான வரித்துறை கேட்டுள்ளது. இந்த கார்கள் எங்கிருந்து வந்தன என்பதைக் கண்டறிய விசாரணை நடந்து வருகிறது.
இது தவிர, ஹர்வன்ஷின் வீட்டு குளத்தில் 3 முதலைகளைக் கண்டு வருமான வரித் துறையினர் அதிர்ச்சியடைந்தனர். இதைத் தொடர்ந்து, ஹர்வன்ஷின் வீட்டில் முதலைகள் இருப்பதாக வனத்துறையினருக்குத் தகவல் கிடைத்தது. அவரது வீட்டில் முதலைகள் வளர்க்கப்பட்டிருப்பது ம.பி.யில் பரபரப்பை ஏற்படுத்தியுள்ளது. 2013 சட்டமன்றத் தேர்தலில் எம்.எல்.ஏ.வாக தேர்ந்தெடுக்கப்பட்ட ரத்தோர், மாவட்டத் தலைவர் பதவிக்கு வலுவான போட்டியாளராக இருந்தார். அவரது தந்தை ஹர்னம் சிங் ரத்தோர் மத்தியப் பிரதேச அரசில் அமைச்சராக இருந்தார் என்பது குறிப்பிடத்தக்கது.
2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!
மார்கழி மாத விரத முறைகள், வழிபாடு, பலன்கள்!
ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!