குவைத் தீ விபத்தில் 41 இந்தியர்கள் உட்பட 53 பேர் பலி... உதவி எண்கள் அறிவிப்பு!
குவைத் அடுக்குமாடி குடியிருப்பில் உயிரிழந்தவர்களின் எண்ணிக்கை 53 ஆக உயர்ந்துள்ள நிலையில், இதில் 41 பேர் இந்தியர்கள் என்கிற தகவல் வெளியாகி உள்ளது. உயிரிழந்தவர்களில் தமிழகத்தைச் சேர்ந்தவர்கள் 8 பேர் இருக்கலாம் என்கிற தகவல் வெளியாகி உள்ளது. தமிழகம் மற்றும் வட இந்தியாவை பூர்வீகமாக கொண்ட பலரும் இந்த தீ விபத்தில் உயிர் இழந்ததாக கூறப்படுகிறது. பலர் பலத்த காயம் அடைந்தனர். குவைத்தில் கேரளத்தைச் சேர்ந்தவர்களால் ஆக்கிரமிக்கப்பட்ட கட்டிடத்தில் தீ விபத்து ஏற்பட்டதாக தகவல் வெளியாகி உள்ளது.
In connection with the tragic fire-accident involving Indian workers today, Embassy has put in place an emergency helpline number: +965-65505246.
— India in Kuwait (@indembkwt) June 12, 2024
All concerned are requested to connect over this helpline for updates. Embassy remains committed to render all possible assistance. https://t.co/RiXrv2oceo
கேரளாவைச் சேர்ந்த ஒருவருக்குச் சொந்தமான நிறுவனத்தில் ஊழியர்கள் தங்கியிருந்த குடியிருப்பில் தீ விபத்து ஏற்பட்டதாக செய்தி நிறுவனங்கள் தெரிவித்துள்ளன. மங்காஃப் பிளாக் 4ல் உள்ள NBTC நிறுவன ஊழியர்கள் இந்த கட்டிடத்தை ஆக்கிரமித்துள்ளனர். இந்த கட்டிடம் மலையாள தொழிலதிபர் கே.ஜி.ஆபிரகாமுக்கு சொந்தமானது. நேறு அதிகாலை 4 மணியளவில் இந்த கட்டிடத்தில் தீ விபத்து ஏற்பட்டது. முதற்கட்ட தகவல்கள் தொழிலாளர் முகாமின் சமையலறையில் இருந்து தீ பரவியதாக தெரிவிக்கப்பட்டுள்ளது.
இந்த விபத்தில் தீக்காயமடைந்தவர்கள் அதான், ஜாபர் மற்றும் முபாரக் மருத்துவமனைகளில் சிகிச்சை பெற்று வருகின்றனர். இவர்களில் சிலரது நிலைமை கவலைக்கிடமாக உள்ளதாக தெரிவிக்கப்பட்டுள்ளது. பலர் அருகில் உள்ள மருத்துவமனைகளில் சிகிச்சை பெற்று வருகின்றனர். தரைத்தளத்தில் தீப்பற்றியதைக் கண்டு பலர் உயிர் பிழைக்க மேல் தளத்தில் இருந்து கீழே குதித்துள்ளனர்.
இதுவரை பலியானவர்களின் எண்ணிக்கை 53 ஆக அதிகரித்துள்ளது அதிர்ச்சியைத் தருகிறது. மேலும் பலர் மருத்துவமனையில் கவலைக்கிடமான முறையில் சிகிச்சைப் பெற்று வருவதால் பலியானவர்களின் எண்ணிக்கை மேலும் உயரலாம் என்று அஞ்சப்படுகிறது.
படுகாயம் அடைந்தவர்களுக்கு தேவையான அனைத்து உதவிகளையும் செய்ய இந்திய தூதரகம் தயார் நிலையில் உள்ளதாக அறிவிக்கப்பட்டுள்ளது. விபத்து சம்பந்தமான மற்ற வகையான உதவி தேவைப்படுவோர் +965-65505246 என்ற உதவி எண்ணில் அழைக்கலாம் என அறிவிக்கப்பட்டுள்ளது.
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!