பிரபல நடிகர் அருண்பாலி மரணம்!! அதிர்ச்சியில் பாலிவுட் திரையுலகம்!!

பாலிவுட்டில் பிரபல நடிகர் அருண்பாலி. இவருக்கு வயது 79. இவர் பஞ்சாபில் உள்ள ஜலந்தரில் பிறந்தவர். இவர்  1989-ம் ஆண்டு தூஸ்ரா கேவல் மூலம் தொலைக்காட்சியில் அறிமுகமானார். அதன்பின் 1991 கால நாடகமான சாணக்யாவில் கிங் போரஸாகவும் , தூர்தர்ஷன் சோப் ஓபரா ஸ்வாபிமானில் குன்வர் சிங்காகவும் நடித்துள்ளார். இவர் 2000-ம் ஆண்டு சர்ச்சைக்குரிய மற்றும் விமர்சன ரீதியாக பாராட்டப்பட்ட ஹே ராம் படத்தில் பிரிக்கப்படாத வங்காளத்தின் முதல்வர் ஹுசைன் ஷஹீத் சுஹ்ரவர்தியாகவும் நடித்தது ரசிகர்களிடையே பெரும் வரவேற்பை பெற்றது. 

அதனைத் தொடர்ந்து, 'சௌகந்த்', 'ராஜூ பன் கயா ஜென்டில்மேன்', 'கல்நாயக்', 'சத்யா', 'ஹே ராம்', 'லகே ரஹோ முன்னா பாய்', '3 இடியட்ஸ்', 'ரெடி', 'பர்ஃபி' ஆகிய படங்களில் நடித்துள்ளார். கடைசியாக ஆமிர் கான் நடித்த லால் சிங் சத்தா மற்றும் அமிதாப் பச்சன் நடித்த குட்பை ஆகிய படங்களில் நடித்துள்ளார்.

இந்த நிலையில், ஆண்டின் தொடக்கத்தில் அருணுக்கு மயஸ்தீனியா கிராவிஸ் என்ற அரிய நரம்புத்தசை நோய் இருப்பது கண்டறியப்பட்டது. நரம்புகள் மற்றும் தசைகளுக்கு இடையேயான தொடர்பாடல் செயலிழப்பால், நோய் அவரைப் பாதித்தது, மேலும் அவர் அடிக்கடி மருத்துவமனையில் சிகிச்சை பெற்று வந்தார். இந்நிலையில் இன்று அதிகாலை 4.30 மணியளவில் சிகிச்சை பலனின்றி உயிரிழந்தார்.

அருண் பாலிக்கு அமெரிக்காவில் வசிக்கும் இரண்டு மகள்கள் உள்ளனர். அவர்கள் நாளை (அக். 8) இந்தியா திரும்பிய பிறகே நடிகரின் இறுதி சடங்குகள் செய்யப்படும். அவரது மறைவு பாலிவுட் திரையுலகினரை சோகத்தில் ஆழ்த்தி உள்ளது. ரசிகர்களும், திரையுலக பிரபலங்களும் அருண் பாலியின் மறைவுக்கு இரங்கல் தெரிவித்து வருகின்றனர்.

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

புரட்டாசியில் ஏன் அசைவம் சாப்பிடக் கூடாது? விஞ்ஞான விளக்கம் இதோ!

செல்வம் கொழிக்க செய்யும் புரட்டாசி வெள்ளிக்கிழமை விரதமுறை, வழிபாடு, பலன்கள்!!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!