அதிர்ச்சி வீடியோ.... நடிகர் அஜீத் சென்ற ரேஸ் கார் விபத்து!
நடிகர் அஜீத் துபாயில் கார் ரேஸ் பயிற்சியில் ஈடுபட்டு வருகிறார். இது குறித்த வீடியோ ஏற்கனவே வைரலானது. இந்நிலையில் நடிகர் அஜித் சென்ற ரேஸ் கார் விபத்துக்குள்ளானதாக தகவல்கள் வெளியாகியுள்ளன. கார் பயிற்சியின்போது ஏற்பட்ட விபத்தில் நடிகர் அஜித்குமாருக்கு காயமில்லை என தகவல்கள் தெரிவிகின்றன.
Ajith Kumar’s massive crash in practise, but he walks away unscathed.
— Ajithkumar Racing (@Akracingoffl) January 7, 2025
Another day in the office … that’s racing!#ajithkumarracing #ajithkumar pic.twitter.com/dH5rQb18z0
அதிவேகமாக வந்த கார், கட்டுப்பாட்டை இழந்து தடுப்பு சுவரில் மோதியதில் கார் சுழன்று நின்ற காட்சிகள் வெளியாகியுள்ளன.விபத்தில் சிக்கிய அஜித்தை அங்கிருந்தவர்கள் மீட்டு முதலுதவி செய்து பாதுகாப்பாக மீட்டு வெளியேற்றி உள்ளனர்
தமிழ் திரையுலகில் தல நடிகராக ரசிகர்களால் கொண்டாடப்பட்டு வருபவர் அஜித்குமார். இவர் தற்போது மகிழ் திருமேனி இயக்கத்தில் 'விடாமுயற்சி' படத்திலும் ஆதிக் ரவிச்சந்திரன் இயக்கத்தில் 'குட் பேட் அக்லி' படத்திலும் நடித்து வருகிறார். இதில் குட்பேட் அக்லி படம் ஏப்ரல் மாதம் 10-ம் தேதி திரைக்கு வர இருப்பதாக தெரிவிக்கப்பட்டுள்ளது.
நடிகர் அஜித் நடிப்பு மட்டுமில்லாமல் பைக் மற்றும் கார் ஓட்டுவதிலும் அதிக ஆர்வம் உள்ளவர் என்பது ரசிகர்களுக்கு தெரிந்த விஷயம்தான். சமீபத்தில் 'அஜித்குமார் ரேஸிங்'என்ற பெயரில் புதிய கார் ரேஸ் அணியை உருவாக்கி அஜித், தற்போது அதற்கான பயிற்சியில் ஈடுபட்டு வருகி்றார். அதன்படி கார் ரேஸிங்கில் கலந்துகொள்வதற்காக நேற்று அஜித் துபாய் சென்றுள்ளார்.
இந்நிலையில், அங்கு தனது அணியினருடன் அஜித் இருக்கும் வீடியோ ஒன்று தற்போது வெளியாகி வைரலாகி வருகிறது. 15 ஆண்டுகளுக்குப் பின் மீண்டும் கார் ரேஸிங்கில் அஜீத் களமிறங்க இருப்பது ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ளது.
2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!
மார்கழி மாத விரத முறைகள், வழிபாடு, பலன்கள்!
ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!