நடிகை சுனைனா பிரபல யூடியூபருடன் நிச்சயதார்த்தம்!
மகாராஷ்டிரா மாநிலம் நாக்பூரில் இருந்து வந்து நடிகையானவர் நடிகை சுனைனா. இவர் 2006ல் வெளியான ‘சம்திங் ஸ்பெசல்’ படத்தின் மூலம் தெலுங்கு சினிமாவில் அறிமுகமானார். அதன்பின், தமிழில் 2008-ல் நகுல் நடிப்பில் வெளியான ‘காதலில் விழுந்தேன்’ படத்தின் மூலம் அறிமுகமானார். தொடர்ந்து 'மாசிலாமணி', 'யாதுமாகி', 'வம்சம்', 'நீர்ப்பறவை', 'சமர்', 'வன்மம்', 'தெறி', 'சில்லு கருப்பட்டி' என பல படங்களில் நடித்துள்ளார்.
கடந்த ஆண்டு கடைசியாக சுனைனா நடிப்பில் ‘ரெஜினா’ திரைப்படம் வெளியானது. ஆனால், இப்படம் ரசிகர்களிடையே பெரிய அளவில் வரவேற்பை பெறவில்லை. அடுத்து அவர் நடிக்கும் படங்கள் குறித்து அறிவிப்பு எதுவும் இல்லை. அண்மையில் நடிகை சுனைனா தனது இன்ஸ்டாகிராம் பக்கத்தில் நிச்சயதார்த்தை குறிக்கும் வகையில் மோதிரம் மாற்றிக்கொண்ட புகைப்படங்களை பகிர்ந்திருந்தார். இது தொடர்பான மற்ற விவரங்களை அவர் வெளியிடவில்லை.
இந்நிலையில், அவர் பிரபல யூடியூபர் காலித் அல் அமெரி என்பவரை நிச்சயம் செய்து கொண்டுள்ளதாக தகவல் வெளியாகியுள்ளது. அண்மையில் மம்மூட்டியுடன் காலித் ஒரு வீடியோ நேர்காணலை எடுத்திருந்தார். அதில் மம்மூட்டி, “உலகம் அழியும் வரை மக்கள் உங்களை நினைத்துக் கொண்டிருக்க வேண்டும் என்று நீங்கள் எதிர்பார்க்க முடியாது. யாருக்கும் அப்படி நடக்கப்போவதில்லை” என பேசிய விஷயங்கள் சமூக வலைதளங்களில் வைரலாகின.
இந்தப் பேட்டியின் மூலம் பலரின் கவனத்தையும் ஈர்த்தவர் யூடியூபர் காலித். இவர், தன்னுடைய முதல் மனைவியான சலமா முஹம்மது என்பவரை 6 மாதங்களுக்கு முன் விவாகரத்து செய்துள்ளார். கடந்த சில நாட்களுக்கு முன் இவர், தனக்கு நிச்சயதார்த்தம் ஆனதாக இன்ஸ்டா பக்கத்தில் தெரிவித்துள்ளார். இதன் மூலம், சுனைனா - காலித் இருவருக்கும் நிச்சயதார்த்தம் நடைபெற்று முடிந்துள்ளதாகவும், இந்த ஆண்டு இறுதியில் திருமணம் நடைபெறும் எனவும் தகவல் வெளியாகியுள்ளது.
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!